VW

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Logo Volkswagen

VW (Abkürzig für Volkswagen) isch d Stammmarke vo dr Volkswagen AG.


Gschicht[ändere | Quälltäxt bearbeite]

E «Golf»

Bekannt isch d Marke mit em «Chääfer» worde, wo in verschiidene Wersioone sid de spöötere 1940er Joor bis in d 1970er in Dütschland broduziert worde isch und denn in Südamerika für no zwäi Joorzäänt. Bald druf, im Joor 1950 het Volkswagen si Dransborder uusebrocht, wo as «Bulli» beliebt gsi isch und Däil vo dr Hippie-Folklore vo de spoote 1960er isch. Am mäiste verchauft worde in dr Gschicht vom Härsteller isch dr «Golf», wo s von em sid de 1970er siibe Wersioone gee het.

Volkswagen het wägen em Erfolg vom «Chääfer» dr nöi Trend zu sterkere und bekweemere Modäll in de 1960er und 1970er Joor verschloofe und dr «Golf» zämme mit em «Passat» häi d Marke grettet. Bäidi Autitüpe si e chli gröösser und nid ganz eso spartanisch wie dr «Chääfer» s gsi, das, wo d Kundschaft het welle. Für die, wo die nöije Tüpe z grooss gsi si, isch s Chliiauti «Polo» entwigglet worde, wo s jetz scho fümf Generazioone von em git.

Vo de 1990er aa het Volkswagen uf dr äinte Site mee und mee au Ooberklasseauti wie dr «Phaeton» und Sportfaarzüüg wie dr «Touareg» afo broduziere und uf dr andere Site spaarsami Chliinstauti wie dr «Lupo» und si Noochfolger, dr «Fox».

Literatur[ändere | Quälltäxt bearbeite]

  • Jonas Kiefer: VW Typenatlas, Serienfahrzeuge. 2. Uflaag. Delius Klasing & Co. KG, Bielefeld 2002, ISBN 3-7688-1271-5.
  • Rudi Heppe: VW Personenwagen, Podszun, Brilon 2001, ISBN 3-86133-209-4.
  • Halwart Schrader: VW Personenwagen seit 1945, Band 1, Typenkompass, Motorbuch Verlag, Stuttgart 2001, ISBN 3-613-02105-6.
  • Halwart Schrader: VW Personenwagen seit 1945, Band 2, Typenkompass, Motorbuch Verlag, Stuttgart 2001, ISBN 3-613-02186-2.
  • Werner Oswald: Deutsche Autos, Band 2, 1920–1945. 2. Uflaag. Motorbuch Verlag, Stuttgart 2005, ISBN 3-613-02170-6.
  • Werner Oswald: Deutsche Autos, Band 3, 1945–1990, Ford, Opel und Volkswagen. 1. Uflaag. Motorbuch Verlag, Stuttgart 2001, ISBN 3-613-02116-1.

Weblingg[ändere | Quälltäxt bearbeite]

 Commons: Volkswagen – Sammlig vo Multimediadateie