Vivil

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
VIVIL A. Müller GmbH & Co. KG
Logo
Unternähmensform Familienunternäme
Gründig 1903
Sitz Offeburg, Dytschland
Leitig

Dr. Alexander Constantin Müller-Vivil

Mitarbeiter 222
Uffdritt im Netz www.vivil.de

D Vivil A. Müller GmbH & Co. KG (in dr Schrybwys vu dr Firma VIVIL A. Müller GmbH & Co. KG) isch e Sießware-/Guetselihärsteller mit Sitz z Offeburg. Si verdrybt ihri Produkt in iber 30 Länder vu dr Ärd.

Gschicht[ändere | Quälltäxt bearbeite]

D Vivil A. Müller GmbH & Co. KG isch anne 1903 vum August Müller grindet wore un het ihre erscht Pfäfferminzguetseli z Stroßburi uf dr Määrt brocht. Anne 1908 isch d Marke gschitzt wore.[1] Ab em nämlige Johr het si s jung Unternäme au uf em amerikanische Määrt aafange etabliere. Wu Stroßburi noch em Erschte Wältchrieg franzesisch woren isch, isch d Firma im Johr 1920 uf Offeburg umzoge. Jetz het dr Bruno Müller mit vyl Wärbig derfir gsorgt, ass mer Vivil all mee gchänt het. Noch em Zweete Wältchrieg isch s Unternäme zerscht nume schlächt glofe, wel dr Bruno Müller verscholle bliben isch un dr Seniorschef August Müller anne 1947 gschtorben isch. Aafangs 1950er Johr hän em Bruno Müller sy Witfrau Elisabeth Müller geb. Rebstein (1908-1951) s Unternäme glaitet, un no ihrem frieje Dod het ihri Schweschter Emmy Rebstein-Metzger, e Jurischti fir Frauerächt, d Produktion erfolgrych dur s Wirtschaftswunder glaitet. Fir d Mitarbaiter het mer d Dr. Bruno-Müller-Siedlung böue. Syt dr 1970er Johr brucht Vivil e Krokodil as Markezaiche [2] fir d Produktwärbig. Noch em Dod vum Axel Müller-Vivil (1939-2012), em Suhn vu dr Elisabeth Müller, het sy Suhn Alexander Constantin Müller-Vivil d Laitig ibernuu.

Produkt[ändere | Quälltäxt bearbeite]

Vivil git si Miei sy Produktpalette als an dr Määrt aazbasse, z. B. dur d Yyfierig vu Ohni-Zucker-Produkt oder dr Varianten ohni Pfäfferminzgschmack. S Produkt, wu di maischte Lyt chäne, isch aber allno s Pfäfferminzkomprimat „di grien Roll“, wu syt Johrzehnt härgschtellt wird. Dernäbe stellt s Unternäme au no anderi Produkt här, wie z. B. Hertkaramelle, zuckerfreii Hertkaramelle oder Dragée.

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Markenregister
  2. Markeregischter
Information icon.svg Dä Artikel basiert uff ere fräie Übersetzig vu dere Version vum Artikel „Vivil“ vu de dütsche Wikipedia.

E Liste vu de Autore un Versione isch do z finde.