D Willa vom Schlachthoofverwalter

Us der alemannische Wikipedia, der freie Dialäkt-Enzyklopedy


Dialäkt: Baseldütsch
D Willa vom Schlachthoofverwalter
Villa des Schlachthofverwalters

Villa des Schlachthofverwalters

Daten
Ort Baasel
Archidekt Carl Leisinger
Baustil Neobarock
Baujoor 1903
Koordinate 610752 / 268537Koordinate: 47° 34′ 2,8″ N, 7° 34′ 53,4″ O; CH1903: 610752 / 268537

D Willa vom Schlachthoofverwalter, au d Willa vom ehemoolige Schlachthoofveterinäär, isch e historischi Willa im Baasler Santihanns Kwardier. S Geböid gältet as e Kulturguet wo regionaali Bedütig het.[1]

D Laag[ändere | Quälltäxt bearbeite]

D Willa vom Schlachthoofverwalter lit an dr Elsässerstrooss 4 am Rand vom Santihanns Park.

Beschriibig[ändere | Quälltäxt bearbeite]

D Willa isch im Stiil vom Neobarock baut. Si het zwäi Stöck und e Mansardedach.[2]

Im Baardeer isch s Büro vom Schlachthofverwalter gsi, e Studierzimmer, e Chuchi, e Dienstzimmer und e Woonzimmer mit ere Veranda. Im erste Stock höi sich Woon- und Schloofzimmer befunde.[2]

Gschicht[ändere | Quälltäxt bearbeite]

D Willa vom Schlachthoofverwalter im Santihanns-Park, im Vordergrund d Skulptuur Regio vom Ärnst Friedli

D Willa isch Däil vom Schlachthoof gsi, wo 1870 eröffnet worde isch und bis zum Aafang vo de 1970er-Joor in Betriib gsi isch und denn Schritt für Schritt an d Schlachthoofstrooss 55 verläit worde isch.[3] Si isch 1903 baut worde und isch Däil von ere Erwiterig vom Areal vo 1900 bis 1904 gsi. D Willa isch s Woonhuus vom Schlachthoofverwalter gsi. Zsämme mit eme Abschnitt vo dr Umfassigsmuure, wo im gliche Zitruum dr Elsässerstrooss nooch baut worde isch, ghöört si zu de letzte Bauwärk vom Schlachthoofareal, wo no bestöön.[2]

1999 isch s Geböid renowiert worde. Hüte isch e Chinderkribbe din. Die ursprüngligi Ufdäilig vom Ruum und d Innenusstattig si erhalte bliibe. Doo drzue ghööre d Stääge, s Parkett us Äicheholz, d Terrazzo- und Keramikbööde, s Dääfer, d Deckene mit Stuckläiste, e Rundoofe us Gussiise figüürlige Verzierige und d Düüre vom Iigang, Windfang und de Zimmer.[2]

Liddratuur[ändere | Quälltäxt bearbeite]

  • Heimatschutz Basel (Hrsg.): Baukultur entdecken; Quartier St. Johann in Basel. Zürich/Basel 2005 (heimatschutz-bs.ch [PDF]).

Fuessnoote[ändere | Quälltäxt bearbeite]

  1. Vorlage:Kulturgüter Schweiz Weblink
  2. 2,0 2,1 2,2 2,3 Heimatschutz Basel (Hrsg.): Baukultur entdecken; Quartier St. Johann in Basel. Zürich/Basel 2005 (heimatschutz-bs.ch [PDF]).
  3. Hans Adolf Vögelin: Das St. Johann-Quartier. In: Christoph Merian Stiftung (Hrsg.): Basler Stadtbuch 1983. Christoph Merian Verlag, Basel 1984, ISBN 3-85616-018-3, S. 177–187, doo S. 182 (baslerstadtbuch.ch).
Dä Artikel basiert uff ere fräie Übersetzig vum Artikel „Villa_des_Schlachthofverwalters“ vu de dütsche Wikipedia. E Liste vu de Autore un Versione isch do z finde.