Vermicelles

Vermicell (vo italiänisch vermicelli ‘Wörmli’) esch es Dessert. Di schwiizerisch Spezialität werd us pürierte Chestene (Marroni), wo med Anke, Lüüterzocker, Kirsch ond Vanillzocker verfiineret wärde, härgstöllt. Vermicell send i verschedene Variante bsunders i der Tütschschwiiz verbreitet. För di typischi Form werd d Masse dor es Lochbläch prässt, so das öppe 15 cm langi «Wörmer» entstönd. Di Vermicell wärde pur, med Nidel oder Vanilglace ggässe. Es ged si au als Törtli uf Mürbteig oder me tuet si uf Meringues.

S früescht Zügnis stammt us em Joor 1894, wo der Walliser Koch Joseph Favre i siim Dictionnaire universel de cuisine pratique es Rezäpt för vermicelles de marrons à la crème publiziert het, wo fascht gliich esch we s höttig Rezäpt.

Weblink

Commons: Vermicelles – Sammlig vo Multimediadateie

Vermicelles i de Datebank vom Kulinarische Erb vo de Schwiz