Vera Flück

Us der alemannische Wikipedia, der freie Dialäkt-Enzyklopedy

D Vera Flück (* 30. Jänner 1994 z Bärn) isch e Schwyzer Schauspiileri.[1][2]

Lääbe[ändere | Quälltäxt bearbeite]

D Vera Flück isch z Schwarzeburg un z Bärn ufgwagse.[3] Anne 2012 het si am Inselspital Bärn e Uusbildig zur Fachfrau Gsundhait abgschlosse un hat derno fir chuurzi Zyt in dr Gsundhaitspflääg gschafft. Si het nocherdani d Beruefsmaturiteetsschuel absolviert un isch e baar Moonet lang fir e Sproochufenthalt uf London gange.[3] Si isch langi Zyt aktiiv Mitgliid vun ere Pfaadfindergruppe gsii.[3]

Anne 2014 isch si uf Minche zooge.[3] Vu Augschte 2014 bis Juli 2018 het si an dr deertige Otto-Falckenberg-Schuel Schauspiel studiert.[1][4] In dr Zyt vu irem Stuudium isch si as Gascht an dr Münchner Kammerspiele ufdrätte, u. a. in dr Produktzioone «Klein Zaches mein Zinnober» (Reschy: Wiebke Puls), «Das Pulverfass» (Reschy: Katharina Bianca Mayrhofer) un «Der Bus» (Reschy: Katharina Bianca Mayrhofer).

Aafangs 2018 het si as Huushälteri Darja näbe Claudius Körber, Fritz Fenne un Robert Hunger-Bühler zue dr Bsetzig vu «Hundeherz», ere Biineadapzioon vu dr glyychnamige Verzellig vum Michail Bulgakow vum Reschisseer Alvis Hermanis, im «Pfaue» vum Schauspiilhuus Züri gsii.[5] Anne 2018 het mer si am Schauspiilhuus Züri au in dr Schauspiilprodukzioon «Sweatshop – Deadly Fashion», eme Theateroobe iber di globaal Moodiinduschty, chenne sää, wu si unter dr Reschy vum Sebastian Nübling «im großartigen Wisch-und-Kauf-Rausch» dr modäärn «Homo Zalando» daargstellt het.[6]

In dr Spiilzyt 2018/19 isch d Flück fescht Ensemblemitglied am Schauspiilhuus Züri gsi.[4][7] Deert het si in ire eerschte Premieereprodukzioon dr Rolli Maurizio di Mauro im Chinder- un Familietheaterstuck «Der satanarchäolügenialkohöllische Wunschpunsch» noch em Roman vum Michael Ende gspiilt.[8][9]

2019/20 het si im Schauspiel Köln in «Jungfrau von Orleons» (Reschy: Pinar Karabulut) un in «Schwarzwasser» (Reschy: Stefan Bachmann) gspiilt.

Syt dr Saison 2020/21 isch si fescht Ensemblemitgliid am Theater Baasel. Deert het si in «Metamorphosen» (Reschy: Antú Romero Nunes) gspiilt, 2021 spiilt si in «The Square» (Reschy: Tom Kühnel).

Dr Vera Flück isch Feerderbryysdreegeri un doppleti Bryysdreegeri vum Studiebryys vum Migros-Kulturprozent.[3][4]

Filmografy (Uuswaal)[ändere | Quälltäxt bearbeite]

  • 2018: Va-t'en, dit-elle (Churzfilm)
  • 2018: Alles ist Gut (Kinofilm)
  • 2018: Der Bestatter: Der Unbestechliche (Fäärnsehserie, Stapfle 6, Episood 5)
  • 2019: Seitentriebe (Fäärnsehserie, Stapfle 2)
  • 2019: Bruno Manser – Die Stimme des Regenwaldes (Kinofilm)
  • 2019: Moskau Einfach! (Kinofilm)
  • 2020: 99 MOONS (Kinofilm)

Theater[ändere | Quälltäxt bearbeite]

  • 2015: Der Bus (Jasmin), Münchner Kammerspiele, Reschy: Katharina Bianca Mayrhofer
  • 2016: Das Pulverfass (Andrej un Gele), Münchner Kammerspiele, Reschy: Katharina Bianca Mayrhofer
  • 2017: Don Quijote - Live Hörspiel, Münchner Kammerspiele, Reschy: Frauke Poolman
  • 2017: Klein Zaches mein Zinnober (Rosabelverde), Münchner Kammerspiele, Reschy: Wiebke Puls
  • 2017: Zorn – Lieder und Geschichten, Münchner Kammerspiele, Reschy: Georgette Dee, Heinz-Peter Lange
  • 2018: Hundeherz (Darja), Schauspiilhuus Züri, Reschy: Alvis Hermanis
  • 2018: Sweatshop – Deadly Fashion, Schauspiilhuus Züri, Kaserne Basel, Jung Theater Basel, Reschy: Sebastian Nübling
  • 2018: Der satanarchäolügenialkohöllische Wunschpunsch (Maurizio di Mauro), Schauspiilhuus Züri, Reschy: Christina Rast
  • 2019: Versetzung (Kathleen Rupp / Inga Römmelt), Schauspiilhuus Züri, Reschy: Clara Dobbertin
  • 2019: Der Reisende, Schauspiilhuus Züri, Reschy: Manon Pfrunder
  • 2020: Schwarzwasser, Schauspiel Köln, Reschy: Stefan Bachmann
  • 2020: Jungfrau von Orleons, Schauspiel Köln, Reschy: Pinar Karabulut
  • 2020: Metamorphosen, Theater Baasel, Reschy: Antú Romero Nunes
  • 2021: The Square, Theater Baasel, Reschy: Tom Kühnel

Heerspiil[ändere | Quälltäxt bearbeite]

  • 2019: Schweizer Radio Tatort - „Der dunkle Kongress“ vu Berger, Cavelty un Holliger, SRF / ARD, Roll: Alva, Reschy: Susanne Janson
  • 2020: Schweizer Radio Tatort- „Das dritte Ohr“ vu Berger, Cavelty un Holliger, SRF / ARD, Roll: Alva, Reschy: Susanne Janson
  • 2020: Acatama von Anton Rey, SRF, Roll: Andrea, Reschy: Mark Ginzler
  • 2020: Grauen - Folg 5 Guetnachtgschichtli vum Andri Bänziger, SRF, Roll: Chinschtleri, Reschy: Susanne Janson
  • 2021: Herrgottsbetong vum Peter Weingartner, SRF, Roll: Schueverchaiferi, Reschy: Päivi Stalder
  • 2021: Schreckmümpfeli - Hammerschlag vu dr Regula Wülser, SRF, Roll: Verzelleri, Reschy: Päivi Stalder
  • 2021: Schreckmümpfeli - Nur ein paar Kopien vum Martin Lagoda, SRF, Roll: Alli Fraue, Reschy: Päivi Stalder

as Sinchroonsprächeri[ändere | Quälltäxt bearbeite]

  • 2020: Bruno Manser - Die Stimme des Regenwaldes, uf Hoochdytsch sinchronisiert, Roll: Barbara (NR)
  • 2021: Schwarze Spinne, uf hoochdytsch un bärndütsch, Roll: Heimisbäuerin, Reschy: Markus Fischer

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. ↑ 1,0 1,1 Vera Flück bi schauspielervideos.de. Abgruefen am 20. Novämber 2018.
  2. ↑ d Vera Flück bi castforward.de. Abgruefen am 15. Novämber 2018.
  3. ↑ 3,0 3,1 3,2 3,3 3,4 Vera Flück bi Migros-Kulturprozent. Abgruefen am 20. Novämber 2018.
  4. ↑ 4,0 4,1 4,2 Otto Falckenberg, Absolventen 17/18. Vera Flück. Otto-Falckenberg-Schule, abgruefen am 15. November 2018.
  5. ↑ Alexandra Kedves: Der Professor, sein Hybridhund und der Wodka. In: Berner Zeitung. 27. Jänner 2018 (Uffierigskritik), abgruefen am 20. Novämber 2018.
  6. ↑ Valeria Heintges: Ich has jetzt checkt. In: Nachtkritik.de. 5. Mai 2018 (Uffierigskritik), abgruefen am 20. Novämber 2018.
  7. ↑ Vera Flück. Schauspiilhuus Züri, abgruefen am 15. November 2018.
  8. ↑ Philippe Zweifel: Ein rauschhaftes Kindertheater. «Der satanarchäolügenialkohöllische Wunschpunsch», ein schrill-komisches Stück nach Michael Ende, feierte im Schauspielhaus Premiere. In: Tages-Anzeiger. 12. Novämber 2018 (Uffierigskritik), abgruefen am 20. Novämber 2018.
  9. ↑ Theaterpremiere. Kinderstück von Michael Ende am Schauspielhaus Zürich. In: Aargauer Zeitung. 20. November 2018 (Uffierigskritik), abgruefen am 20. Novämber 2018.


Dä Artikel basiert uff ere fräie Übersetzig vu dere Version vum Artikel „Vera_Flück“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Vera_Flück&oldid=998083"