Vastitas Borealis

Dialäkt: Markgräflerisch (Ebringe)

D' Vastitas Borealis (lat. fier polari Wüste) isch die gröscht Diefebeni uffem Mars. In dr nördliche Breitegrade gläge umgit die guet 4 bis 5 km underem middlere Oberflächeniveau gläge Region dr gsamt Nordpol vum Mars und reicht bis guet 40-50° nördlicher Breiti nooch Süde; s'Diefland sälber got stellewiis bis zum Äquator.

Topographischi Charte vum Mars. D'Vastitas borealis isch die dunkelblau Region im Norde vu dr Charte bzw. s'Gebiit um dr Nordpol, in dr rächte vu dr beide obere chreisförmige Charte vu dr Polregione

Im Gegesatz zue dr südliche Hemisphäri isch d'Vastitas Borealis bemerkenswert ebe un kraterarm. Es isch durus möglich, dass d'Vastitas borealis s'Becke vume früehe Marsozean gsi isch, wu aber scho in dr erste Johrmilliarde vum Mars usdrichnet isch.

D'Vastitas Borealis het zwei Bassins, s'Nordpolar-Bassin un s'Utopia Bassin, wo in d'Utopia Planitia ibergoht.

D'Chüstelinie vum früehe Marsozean, in der no au d'Valles Marineris entwässeret ha müesste, isch Gegestand vu viile Spekulatione under dr Geologe.

Im britische Wisseschaftsmagazin Nature stelle einigi Astronome d'Hypothese vor, dass s'Borealis-Becke dur e Ischlag vu eme im Durchmesser guet 2000 km grosse Körper entstande sei. Demit wär es noch vor em Südpol-Aitken-Becke uffem Erdmo dr gröscht Ischlagskrater im Sunnesystem.

Marssonde in dr Vastitas Borealis

Am 25. Mai 2008 isch in dr Vastitas Borealis d'NASA-Sonde Phoenix glandet. Zue sellere Zit isch uf dr Nordhalbchugle vum Mars Früehsummer gsi. Mer rechnet demit, dass sälli stationär Sonde guet drei Erdmunät aktiv blibe cha, bevor si no ifriert, wil d'Temperature im Herbscht no z'dief blibe werre un d'Elektronik drum no durhaft ifriere wird.

Weblink

• Spekulatione yber e ehemolige Marsozean