Vasco da Gama

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dr Vasco da Gama. Moler nit bekannt (ca. 1525–1550)
D Underschrift vom Vasco da Gama:
ho comde almirante
(„der Graf und Admiral“)

Dom Vasco da Gama (ˈvaʃku ðɐ ˈɣɐmɐ), Groof vo Vidigueira (* um 1469 in Sines; † 24. Dezämber 1524 z Cochin, Indie) isch e bortugiisische Seefaarer gsi. Er het dr Seewääg um s Kap vo dr Guete Hoffnig uf Indie entdeggt.

D Bordugiise häi scho under em Heinrich em Seefaarer e Wääg afo sueche, zum die arabische, persische, venezianische und andere Vermiddler vo indische Gwürz uszschalte, wo wägenä die Brodukt in Öiropa seer düür gsi si.

Am 8. Juli 1497 isch dr Vasco da Gama mit vier Schiff vo Bordugal us ufbroche. Er isch gege Süde gseeglet, um s Kap vo dr Guete Hoffnig und isch am 25. Novämber in dr Mosselbaai glandet. Am 7. April 1498 isch er z Mombasa aachoo und vo dört uf Malindi. DSr Sultan dört het em e Nawigator mitgee und am 20. Mai 1498 isch dr Vasco da Gama as erste Öiropäer, wo um Afrika ume gfaare isch, z Calicut an dr Malabarküste glandet. Er het kostbari Gwürz ufglaade und 1499 si d Schiff wider z Bordugal gsi.

In de Joor druf häi d Bordugiise nöiji Räise uf Indie gmacht: die zwäite under em Pedro Álvares Cabral, wo uf dere Räis im Joor 1500 Brasilie entdeggt het, und die dritti 1501 under em João da Nova. Erst die vierti Faart 1502 isch wider under em Kommando vom Vasco da Gama gsi. Die arabische und indische Händler häi iir Monopol welle verdäidige und häi die 15 Schiff vom Vasco da Gama mit mee as 100 Schiff aagriffe. D Bordugiise si aber mit Kanone bewaffnet gsi und häi sich erfolgriich chönne verdäidige. Dr Vasco da Gama het denn die bordugiisische Faktoreie z Cannanore und Cochin usbaut und 1503 z Cochin die ersti öiropäischi Festig in Indie, s Fort Manuel, baut. In e baar Joor isch Bordugal die füerendi Seemacht im westlige Däil vom Indische Ozean worde.

1503 oder 1504 isch dr Vasco da Gama zrugg in Bordugal gsi und isch am Hoof ufgnoo worde. 1519 het em dr Köönig Manuel dr Ditel Conde de Vidigueira (Groof vo Vidigueira) gee. 1524 isch er zum Vizeköönig vo Indie ernennt worde, isch zrugg uf Indie und het dört d Zivil- und d Milidäärverwaltig afo nöi organisiere. Aber er isch chrank worde und scho noch drei Möönet z Indie isch er im südwestindische Kochi gstorbe.

Litratuur[ändere | Quälltäxt bearbeite]

  • Norbert Ankenbauer: "Das ich mochte meer newer dyng erfaren". Die Versprachlichung des Neuen in den Paesi novamente retrovati (Vicenza, 1507) und in ihrer deutschen Übersetzung (Nürnberg, 1508). Frank & Timme, Berlin 2010.
  • Maria de Deus Beites Manso: O Gama e os Gamas na História do Alentejo, in: CNPCDP (Ed.): Da Ocidental Praia Lusitana, Vasco da Gama e o seu Tempo. Lissabon 1998. S. 66–81. ISBN 972-8325-62-2. [Portugiesisch]
  • Oswald Dreyer-Eimbcke: Vasco da Gamas Seefahrt nach Indien vor 500 Jahren: Historische Bedeutung und kartographische Aspekte. In: Cartographica Helvetica Heft 18 (1998) S. 41–49 Volltext
  • Luís Adão da Fonseca: Vasco da Gama. O Homem, a Viagem, a Época. Expo 98, Lissabon 1998. ISBN 972-8396-99-6. [Portugiesisch]
  • Gernot Giertz (Hrsg.): Vasco da Gama. Die Entdeckung des Seewegs nach Indien. Ein Augenzeugenbericht 1497–1499. Thienemann, Stuttgart 2002. ISBN 3-522-61070-9
  • Fernand Salentiny: Die Gewürzroute. Die Entdeckung des Seewegs nach Asien; Portugals Aufstieg zur ersten europäischen See- und Handelsmacht. DuMont, Köln 1991. ISBN 3-7701-2743-9
  • Dierk Suhr: Kleine Geschichte der großen Entdecker. Thorbecke, Ostfildern 2006. ISBN 978-3-7995-0171-2
  • Sanjay Subrhamnyam: The Career and Legend of Vasco da Gama, New Delhi u. a., 1997

Weblingg[ändere | Quälltäxt bearbeite]

 Commons: Vasco da Gama – Sammlig vo Multimediadateie
Information icon.svg Dä Artikel basiert uff ere fräie Übersetzig vum Artikel „Vasco_da_Gama“ vu de dütsche Wikipedia.

E Liste vu de Autore un Versione isch do z finde.