Valide Sultan

Us der alemannische Wikipedia, der freie Dialäkt-Enzyklopedy

Valide Sultan (osmanisch والده سلطان‎; amtlig مهد علیای سلطنت‎ / mehd-i ʿulyā-yı salṭanat /‚die höggsti Wiege vo dr Heerschaft‘) isch dr tradizionelli Ditel vo dr Königinmueter vom regierende Sultan im Osmanische Riich gsi.

D Königinmueter het e Hufe informelli Macht ghaa wäge iirer offizielle Posizion im Harem, und es het Zite gee, wo d Valide Sultan die zwäitmächdigsti Person noch em Sultan im ganze Osmanische Riich gsi isch.

Bsundrigs im sibzääte Joorhundert het s e Räije vo Sultan gee, wo as Chinder uf e Droon choo si oder sich für s Regiere nid intressiert häi. Denn het d Valide Sultan de facto d Heerschaft über s Land ghaa. Dere Periode in dr türkische Gschicht säit mä d Zit vo dr Wiiberheerschaft.

Die Königinmüeter si nid sälte Sklavinne gsi und häi vilmol käi türkische Hindergrund ghaa.

Litratuur[ändere | Quälltäxt bearbeite]