Universität Rennes

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Uni Rennes isch die früenrigi Uni vo der französische Stadt Rennes gsi.

Si isch us der Akademy, wo der Herzog Franz vo der Bretagne anne 1461 z Nantes gründet het, choo. 1735 het me d Fakultäät für Rächtswüsseschaft vo Nantes uf Rennes verleit. Bi der französische Revoluzioon isch anne 1793 au d Uni vo der Bretagne zuetoo worde. Wo der Napoleon der Erscht im Land 1806 die kaiserlichen Universitääte ygfüert het, isch z Rennes wider en Uni für Rächtswüsseschaft gsi. 1810 isch d Sprooche-Fakultät und 1840 d Fakultät für Naturwüsseschafte derzuechoo.

Im Joor 1968 het me d Uni Rennes ufglööst und druus zwoo nöji Universitääte gmacht: Rennes 1 und Rennes 2.