Tux

Us der alemannische Wikipedia, der freie Dialäkt-Enzyklopedy
Dr Tux

Dr Tux isch s'Maskottli vum Computerbetribssystem Linux. Om Ofong het dr Vogel gar kei Nome gha, meischt Nochnome Pinguin und Vornome Fat, also dä fätti Pinguin. Bal isch aber der Nome Tux ufkumme, kummt vum Englische Tuxedo fyr Frack: mangi meinne au, er kummt vum Torvalds UniX.

Dr Namme Tux isch mit dr Veröffetlichung vum Kärnel 2.0 uffkumme. Es het do en Wettbewerb gää, aber dr Linus Torvalds, dr Entwickler vum Linux, het sich denne do fyr dä Pinguin entschiede, angeblich will er z Auschtralie emol vu eme Pinguin bisse worre sei. Für d Vermarktig her hän Plüschpinguine aber au e bessere Effekt wie abisseni Epfel oder stilisierti Fenschter.

Dr Tux isch au d'Hauptfigur im 3-d-Computerspil Tux Racer.

Urlaubsverträtig Tuz[ändere | Quälltäxt bearbeite]

Dr Tuz

Am 17. März 2009 het dr Linus Torvalds mit dr Vorstellig vum Kernel 2.6.29 im Tux e Viertel Johr Uszit gwährt. Lut Mitteilig vu Kernel.org will dr Tux in sällere Zit as e Barbier schaffe.[1] Solang dr Tux furt isch wird dr Tuz - e Tasmanische Deifel - ihn verträtte. Dr Tuz het dr Tux s'erscht Mol uf dr im Jänner 2009 z'Hobart uf Tasmanie abghaltene Linux-Konferenz linux.conf.au verträtte.

Hintergrund isch, dass dr Tasmanisch Deifel, e chleine Raubbitler, durch e asteckedi, chräbsartigi Erkrankig in sinere Existenz bedroht isch. Mit em zitwiise Ustusch vum Maskottli wenn d'Linux-Entwickler d'Ufmerksamkeit uf die gfährdet Art lege.[2]

Weblink[ändere | Quälltäxt bearbeite]

 Commons: Tux – Sammlig vo Multimediadateie

Quelle[ändere | Quälltäxt bearbeite]

  1. Mitteilig uf kernel.org (Site cha nüme abgrüeft wärde; Suche im Webarchiv)[1] [2] Vorlage:Toter Link/git.kernel.org
  2. Meldig uf heise open vum 18, März 2009