Trude Jochum-Beiser
Trude Jochum-Beiser 
| |||||||||||||||||||||||||||||||
| Nation |  Öschterriich
| ||||||||||||||||||||||||||||||
| Geburtstag | 2. September 1927 (97 Johr) | ||||||||||||||||||||||||||||||
| Geburtsort | Lääch am Arlberg, Eschtrych | ||||||||||||||||||||||||||||||
| Karriere | |||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Disziplin | Abfahrt, Kombination, Slalom, Riiseslalom | ||||||||||||||||||||||||||||||
| Verein | Ski Club Arlberg | ||||||||||||||||||||||||||||||
| Status | zruckträtte | ||||||||||||||||||||||||||||||
| Karriereänd | 1952 | ||||||||||||||||||||||||||||||
| Medallienspiegel | |||||||||||||||||||||||||||||||
| |||||||||||||||||||||||||||||||
| |||||||||||||||||||||||||||||||
D Trude Jochum-Beiser (* 2. Septämber 1927 z Lääch am Arlberg as Trude Beiser) isch e ehmoligi eschtrychischii Skirännlaiferi. Ändi 1940er- un Aafangs 1950er-Johr het si zue dr beschte Skirännlaiferne vu dr Wält ghert. Si isch 1948 Olympiasiigeri in dr Kombination wore, vier Johr spezer het si där Titel in dr Abfahrt gholt.
Karriere
[ändere | Quälltäxt bearbeite]D Trude Beiser isch zäme mit zeh Gschwister ufgwachse, wu si as Chind ai ainzigBaar Ski het mit mieße daile. Ändi 1930er-Johr isch si in Ski Club Arlberg ufgnuu wore, wu mer ihre Talänt gferderet het un wu si bal Aaschluss an di eschtrychisch Spitz gfunde het. Noch em Zweete Wältchrieg isch si in Nationalkader vum ÖSV ufgnuu wore. Wel eschtrychischi Rännlaifer im erschte Noochriegswinter no vu FIS-Ränne uusgschlosse gsii sin, het si zmaischt nume bi nationale Wettbewärb chenne an Start goh. Dr erscht Siig bi me internationale Ränne sch ere 1946 im Gamperney-Derby z Grabs glunge, wu si aber offiziäll nume in dr Junioreklass gwärtet woren isch.
In dr Saison 1946/47 het d Beiser scho vyl Ränne chenne gwinne, unter anderem d Abfahrt vu dr SDS-Ränne z Grindelwald un e Abfahrt z Seefeld. Bi dr prestigeträchtige Arlberg-Kandahar-Ränne z Mürren het si im Slalom gsiigt un isch Zwooti in Abfahrt un Kombination wore. Am Aafang vu dr Saison 1947/48 het si d Abfahrt gwunne, dr Slalom un d Kombination bim Westenpokal z Lääch, het aber derno gsundhaitligi Brobläm kriegt. Bis zum Saisonhegschtpunkt het si aber wider zue ihre Topform retuur gfunde un bi dr Olympische Winterspiil 1948 z St. Moritz ihre erscht ganz groß Erfolg gfyyrt. Scho im Abfahrtslauf, wu au zue dr Kombination zellt het, het si hinter dr Schwyzeri Hedy Schlunegger d Silbermedallie gwunne. Dr acht Blatz im Kombi-Slalom het ere schließli zum Gwinn vu dr Goldmedallie in dr Kombination vor dr US-Amerikaneri Gretchen Fraser glängt.
No dr Saison 1948 het d Beiser vorerscht mit ihre Karriere ufghert. Si het anne 1948 dr Alois Jochum ghyrote un ai Johr speter ihre erscht Chind uf d Wält brocht, dr Suhn Alfred. Noch ere aijehrige Paus isch si im Winter 1949/50 wider zum Rännsport retuurgchehrt. Aafangs sin ere kai Spitzeresultat glunge, bis zue dr Wältmaischterschaft 1950 z Aspen het si aber wider ihri alt Form gfunde. Im Riiseslalom het si hinter dr Dagmar Rom d Silbermedallie gwunne, vier Däg speter isch si vor dr Erika Mahringer Abfahrtswältmaischteri wore.
No däm Winter isch d Jochum-Beiser wider ins Privatläbe retuurgchehrt, go si sterker ihre junge Familie z widme. Im Winter 1951/52 het si si wider zue me Comeback bringe loo, het am Aafang vu dr Saison d Abfahrt, dr Slalom un d Kombination z Lääch gwunne un d Abfahrt z Grindelwald un het dodermit wider zue dr Medallienaawärterne bi dr Olympische Winterspiil 1952 zellt. Si het z Oslo im Slalom un im Riiseslalom kai Spitzenblätz gschafft, derfir het si in dr Abfahrt aber mit fascht aire Sekund Vorsprung uf di Dytsch Annemarie Buchner d Goldmedallie gwunne.
Am Änd vu dr Olympiasaison het d Jochum-Beiser ändgiltig ihre sportlige Karriere en Änd gmacht, isch aber no ne baar Johr bi Ränne in ihre Haimet mitgfahre. Fir ihri große Laischtige isch si 1952 as Eschtrychischi Sportleri vum Johr uuszaichnet wore un het 1996 s Guldi Ehrezaiche fir Verdienscht um d Republik Eschtrych iberchuu. Si het e baar Johr lang as Skilehreri z Lääch gschafft un het mit ihrem Mann s Café Olympia ufgmacht, wu hite vu ihrem Suhn Alfred Jochum gfiert wird. Mit ihre boode Goldmedallie un aire Silbermedallie zellt si bi hite zue dr erfolgrychschte eschtrychische Skirännlaiferne bi Olympische Spiil.
Sportligi Erfolg
[ändere | Quälltäxt bearbeite]Olympische Winterspiil
[ändere | Quälltäxt bearbeite]- St. Moritz 1948: 1. Kombination, 2. Abfahrt
- Oslo 1952: 1. Abfahrt, 8. Slalom, 11. Riiseslalom
Wältmaischterschafte
[ändere | Quälltäxt bearbeite]- St. Moritz 1948: 1. Kombination, 2. Abfahrt
- Aspen 1950: 1. Abfahrt, 2. Riiseslalom, 7. Slalom
- Oslo 1952: 1. Abfahrt, 8. Slalom, 11. Riiseslalom
Uuszaichnige
[ändere | Quälltäxt bearbeite]- 1952: Eschtrychischi Sportleri vum Johr
- 1996: Guldi Ehrezaiche fir Verdienscht um d Republik Eschtrych
- Johrhundertsportlervu Eschtrych - Dame, Blatz 5
- 2000: Guldine Ehrering vu dr Gmai Lääch fir bsunderi Verdienscht
Literatur
[ändere | Quälltäxt bearbeite]- Österreichischer Skiverband (Hrsg.): Österreichische Skistars von A–Z. Ablinger & Garber, Hall in Tirol 2008, ISBN 978-3-9502285-7-1, S. 184–185.
Weblink
[ändere | Quälltäxt bearbeite]- Trude Jochum-Beiser in dr Datebank vum Internationale Skiverband FIS (änglisch)
- Trude Jochum-Beiser bei Ski-db (englisch)
- Trude Jochum-Beiser in dr Datebank vu Sports-Reference.com (änglisch)
- Iidrag über Trude Jochum-Beiser in: Austria-Forum, em öschteriichische Wissensnetz – online (uf AEIOU)
|
Dä Artikel basiert uff ere fräie Übersetzig vu dere Version vum Artikel „Trude_Jochum-Beiser“ vu de dütsche Wikipedia. E Liste vu de Autore un Versione isch do z finde. |