Trochäus

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Dr Trochäus (agr. τροχαῖος, trochaíos, „Läufer“; Plural: Trochäe) isch ä Värsfuess, wo im Griechische us erä lange und erä churze, im Dütsche us erä betonte und erä unbetonte Silbe beschdoht ( — ‿ ). Dr trochäisch Vierheber

— ‿ | — ‿ | — ‿ | — ‿ |

isch bsundrigs zer Nochbildig vo dr griechische anakreontische Dichdig bruucht worde. Schbööter isch er zer riimlose Überdrägig vo schbanische Romanze vom Herder und Eichendorff bruucht worde. In "Schicksalsdrame" isch er as dramatische Värs vorcho.

Bischbil: Johann Peter Hebel us em Der allezeit vergnügte Tabakraucher - "Im Sommer"

Volli Ähri, wo me goht,
Bäum voll Öpfel, wo me stoht,
un es isch e Hitz un Gluet!
Aineweg schmeckt's Pfiifli guet.

In dr serbische Volksdichdig isch dr trochäisch Pentameter hüfig. Er isch vom Herder, Goethe, Bürger, Platen, C. F. Meyer, Liliencron und andere bruucht worde.

Quelle[ändere | Quälltäxt bearbeite]

  • dtv-Lexikon, Deutscher Taschenbuch Verlag, München 1970, Band 19, S.9
  • J. P. Hebel, Allemannische Gedichte, Arau bey H. R. Sauerländer, 1820

Lueg au[ändere | Quälltäxt bearbeite]

Jambus