Tragik vo de Anti-Allmänd
D'Tragik vo de Anti-Allmänd (Änglisch: tragedy of the anticommons) beschriibt s'Dilemma, wo drwäge e Resultat, wo gsellschaftlig erwünscht wär, ummöglig z erreichen isch wäge de grosse Zahl vo dene, wo Rächt an dr Allmänd bsitze. De änglisch Uusdruck vo däm Neologismus isch vom amerikanische Rächtsprofässer Michael Heller prägt worde. De Begriff lähnt sich an Uusdruck Tragik vo de Allmänd ah, wo s'Dilemma beschriibt, wänn's zwenig Rächtbsitzer hät. S'Konzept liferet en einheitliche Rahme für e Reihe vo Misserfölg i de Zämenarbet wie Patänthamstere, U-Boot-Patänt, Nagelhüüser und anderi meistens bürokratischi Problem. Sänig Aaglägeheite, wo s'System verseit, z'überwinde cha sehr schwierig sii, ja sogar i Gwalt uusarte. Es git aber verschideni Lösigsaasätz wie d'Enteignig, Friste bi Rächtsstriitigkeite und Patänt-Pools wie d'Chrüüzlizänzierig oder anderi Arte vo de Lizänzorganisierig.
Es klassisches Biispil
[ändere | Quälltäxt bearbeite]Im Artikel vom Heller us em 1998 Harvard Law Review[1] hät er beschribe, wie's nach em Fall vom Kommunismus i de osteuropäische Stedt viil Strasseständ, gliichziitig aber au massehaft ungnutzti Läde gäh hät. Nach sinere Studie isch er zum Schluss cho, dass es a de grosse Mängi vo Departemänt und Private gläge isch, wo alli unterschidlichi Rächt bezüglich däne Läde gha händ. Es wär für en Unternehmer sehr schwierig, oder sogar unmöglich gsi, de Gebruuch vomene Ladelokaal z'verhandle. Obwohl alli Eigetümer mit de läre Läde Gäld verlore händ und d'Läde sehr gfrögt gsi wäred, sind ihri unterschidliche Interässe anere Nutzig vo de Immobilie im Wäg gstande.
D'Tragik vo de Anti-Allmänd isch eini vo vier Variante, wie's chan usechoo:
| Eigetumsrächt | Allgemeine Bsitz oder kein Eigetumsrächt | |
|---|---|---|
| Negative Uusgang/Tragik | Tragik vo de Anti-Allmänd | Tragik vo de Allmänd |
| Positive Uusgang/Maximierig | Normalfall | Komik vo de Allmänd |
De tatsächlich Uusgang isch vo de Umständ abhängig.
Referänze
[ändere | Quälltäxt bearbeite]- ↑ Michael Heller: The Tragedy of the Anticommons. In: Harvard Law Review. Januar 1998
- Rose, Carol M. (1986) The Comedy of the Commons: Commerce, Custom and Inherently Public Property, 53 Univ. of Chi. L. Rev. 711 , reprinted as chapter 5 in: Rose, Carol M., Property and persuasion: Essays on the history, theory and rhetoric of ownership, Westview Press 1994
- : Resurrecting the Space Age: A State-Centered Commentary on the Outer Space Regime. In: Comparative Strategy. 21, Nr. 1, 2002
- : Fragmentation in Property: Towards a General Model. In: Journal of Institutional and Theoretic Economics. 159, 2003, S. 594–613
- : Symmetric Tragedies: Commons and Anticommons. In: Journal of Law and Economics. 43, 2000
Externi Links
[ändere | Quälltäxt bearbeite]- The Tragedy of the Anticommons (Abstract, with link to complete paper)
- Can Patents Deter Innovation? The Anticommons in Biomedical Research (full text of article)
- The comedy of the commons, speech by Lawrence Lessig (Lawrence Lessig)
- Heller's talk in the Authors@Google series
- Website complementing gridlock economy: How Too Much Ownership Wrecks Markets, Stops Innovation, and Costs Lives