Top Secret Drum Corps
| Dialäkt: Baseldütsch |
S Top Secret Drum Corps isch e Basler Drummlergrubbe (ängl. Drum Corps).
D Grubbe isch 1990 us dr Drummeldradizion vo dr Basler Fasnacht uusegwaggse. Iire Stiil isch vom amerikanische und schottische Drummle beiiflusst worde und ganz äigenartig. Charakteristisch für d TSDC isch iir schnälls und aaspruchsvolls Drummle, und visuelli Effekt, wie wenn si d Schleegel schongliere und sich zuegheije oder s stroboskopische Liecht, wo si iiri Drummle am Edinburgh Tattoo vo 2012 vo inne belüchdet häi drmit.[1] In de Medie wird si as äini vo de füerende Drummelgrubbe uf dr ganze Wält bezäichnet.[2][3][4]
S Top Secret Drum Corps isch reegelmäässig an internazionale Veraastaltige drbii, wie am Basel Tattoo, am Edinburgh Military Tattoo, wo si äini vo de erste nid militäärische Grubbe gsi isch, oder am Berlin Tattoo.
D Mitgliider
[ändere | Quälltäxt bearbeite]D Mitgliider vo dr Grubbe si nid brofessionelli Musiker, und üebe jeede Daag in iirer Freizit. Wil s Drummle uf ere internazionaale Eebeni d Drummler rasch verschlisst, änderet sich d Zämmesetzig vom Corps die ganz Zit.
Weblingg
[ändere | Quälltäxt bearbeite]
Commons: Top Secret Drum Corps – Sammlig vo Multimediadateie- Offizielli Website
- Top Secret Drum Corps Iidraag uf drummerworld.com
Fuessnoote
[ändere | Quälltäxt bearbeite]- ↑ Wie alles begann, abgruefen am 2. Jänner 2013 (Memento vom 29. Jänner 2013 im Internet Archive)
- ↑ Neue Zürcher Zeitung, Blasmusikalisches Feuerwerk, 1. Oktober 2007
- ↑ The Sunday Times, Festival: Military pantomime beats the march of time, 10. August 2003
- ↑ Glenn Loney: Summer 2006 in Bayreuth, Bregenz, and Edinburgh. In: Western European Stages, 2006 (18), 3, S. 55.
|
Dä Artikel basiert uff ere fräie Übersetzig vum Artikel „Top_Secret_Drum_Corps“ vu de dütsche Wikipedia. E Liste vu de Autore un Versione isch do z finde. |