Tüüffseesoiblig

Us der alemannische Wikipedia, der freie Dialäkt-Enzyklopedy
Tüüffseesoiblig
Systematik
Deilchlass: Ächti Chnochefisch (Teleostei)
Überordnig: Protacanthopterygii
Ordnig: Lachsartigi (Salmoniformes)
Familie: Lachsfisch (Salmonidae)
Gattig: Soiblig (Salvelinus)
Art: Tüüffseesoiblig
Wüsseschaftlige Name
Salvelinus profundus
Schillinger, 1901

De Tüüffseesoiblig (Salvelinus profundus) isch en endemische Süesswasserfisch vom Bodesee, wo aber i de 1970er Joore uusgstorben isch.

Uussie[ändere | Quälltäxt bearbeite]

De Tüüffseesoiblig isch e längliche silbrige Fisch mit eme röötsche Rugge. Sini Flosse sind rootbruu und er ht groossi Auge. Er cha 24 cm lang were. Tüüffseesoiblig wo gfange wered hend i de Regle en uufbloosen Buuch, well de Druckunderschiid vo de groose Wassertüüfi a d Oberfläche ase riisig isch, as sich d Luft im Fisch uusdeent.

Lebeswiis[ändere | Quälltäxt bearbeite]

De Tüüffseesoiblig lebt underhalb vonere Tüüffi vo 80 Meter und fresst Strudelwörmer, Ruederfuesschrepsli und Erbsemuschle. Er laicht im Summer und im Herpst inere Tüüffi vo 60 bis 80 Meeter ufeme chiisige Grund. Afangs vo de 1970er Joor isch er no mengisch gfange wore, isch drufabe aber wege de Öberdüngig vom Bodesee uusgstorbe.

Büecher[ändere | Quälltäxt bearbeite]