Thomas Fritz
| Dialäkt: Elsassisch |
Dr Thomas Fritz (* 15. Àwrìl 1979) ìsch plätzlig bekànnt worra wial da junga Stroßburger dr Racing Club de Strasbourg (d Füeßbàllmànnschàft vu Stroßburri) kàuift hàt.
Ìm Juli 2011 ìsch dr Züestànd vum Racing Club de Strasbourg sehr latz gsìì. Si Präsidant, dr Jafar Hilali, hàt dr Club versüecht z'verkàuifa, àwer mehrera Glagaheita sìn züe nit kumma[1].
Àm 11. Juli 2011 hàr dr Thomas Fritz d Füeßbàllmànnschaft àm Jafar Hilali fer ei symboliker Euro àbkàuift[2]. Dia Nèikheita ìsch fer àlla a rìesiga Ìwerràschung gsìì, meischtens wial dr Thomas Fritz vorhar totàl unbekànnt gsìì ìsch. Ar ìsch a Ìnformàtik-Ìngenieur, wo bis jetzt nit direkt z'düe ghàà hàt mìt dr Walt vum Füeßbàll.
Ìn da Media hàt'r expliziart àss'r dr Racing uf sim eigena Nàmma kàuift hàt, àss'r d Veràntwortung uf sìch nìmmt, un àss'r dàs àlles màcht wial'r zitter sinera Kìndheit a Fan vum Racing ìsch un ar dat jetzt a Tràuim zum Lawa riafa.
Ar ìsch vu dr Regiarung vum Club, so wia vu da Fans, schlacht empfànga worra, wial'na d Litt nìt arnscht gnumma hann. Àm 13. Juli 2011 ìsch'r scho nìmm dr Präsidant vum Racing gsìì, obwohl àss'r noch dr Besìtzer blìewa ìsch[3].
Referanz
[ändere | Quälltäxt bearbeite]- ↑ Zittung DNA, D Schwìerigkeita vum Racing Club de Strasbourg, 11. Juli 2011 (fr) Archivlink (Memento vom 13. Juli 2011 im Internet Archive)
- ↑ Zittung DNA, Dr Thomas Fritz kàuift dr Racing Club de Strasbourg, 11.Juli 2011 (fr) Archivlink (Memento vom 13. Juli 2011 im Internet Archive)
- ↑ Zittung DNA, Nomination d’un administrateur judiciaire, 14. Juli 2011 (fr) Archivlink (Memento vom 15. Juli 2011 im Internet Archive)