Deadr en Ulm

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

En Ulm hod s a baar Deadr mo älles alloi machad.

D Deadr[ändere | Quälltäxt bearbeite]

„Theater Ulm“
S „Theater Ulm“ vom Minschdr aus gseah

S schdädische „Theater Ulm“ am Herbert-von-Karajan-Platz 1 isch s graischde Deadr. S hâd 815 Bläds. Grendad worra isch es 1641. Desdrwega isch s eldeschd deidsche schdädische Deadr[1]. Driebrnaus bediened se au älle drei Schbarda, nemle Musiktheater, Schauspiel ond Ballett. A Orcheschdr, s „Philharmonische Orchester der Stadt Ulm“, mo em Deadr ond au sonschd sschbield.

Theater in der Westentasche

En Ulm-Böfingen isch seid 2012 s „Theater in der Westentasche“, drvor war s 40 Joohr en dr Herrenkellergasse en dr Altstadt. S hod blos 40 Bläds. Weil es em Schaddtrod nemme bassd hod, griaged se seid 2016 koine Zuaschüß meh[2].

Akademietheater

Em „Akademietheater“ am Kuhberg en dr Akademie für darstellende Kunst (adk) kennad Schdudenda fir Regie ond Schauschbiel se ausbrobiera.

Theater Ulüm

S „Theater Ulüm“ en dr Obere Donaubastion en dr Schillerstroß isch s oizig professionelle Deadr em Süddeutscha, en dem Türkisch gschwädsd wurd mid ama feschda Schbielblaa ond Adress.

D Theaterwerkstatt Ulm

D „Theaterwerkstatt Ulm“ isch au en dr Obere Donaubastion en dr Schillerstroß.

Erstes Ulmer Kasperletheater
S Schild vom Kasperledeadr

S „Erste Ulmer Kasperletheater“ isch a professionells Kenderdeadr mo 50 Bläds hod.

S Bublikum[ändere | Quälltäxt bearbeite]

Weil Ulm a Universidädsschad isch, isch fir s Bublikum gsorgd.

Lidradur[ändere | Quälltäxt bearbeite]

  • Martin Kluger: Ulm und Neu-Ulm. Der Stadtführer für die Donau-Doppelstadt. context verlag Augsburg, Augsburg 2012, ISBN 978-3-939645-53-5

Nedsadressa[ändere | Quälltäxt bearbeite]

 Commons: Deadr en Ulm – Sammlig vo Multimediadateie

Mo s her isch[ändere | Quälltäxt bearbeite]

  1. Theater Ulm: Geschichte (Memento vom 15. Juli 2012 im Webarchiv archive.is), abgerufen am 5. September 2011.
  2. Theater in der Westentasche
Information icon.svg Dä Artikel basiert uff ere fräie Übersetzig vum Artikel „Ulm#Theater“ vu de.wikipedia.org. E Liste vu de Autore un Versione isch do z finde.