The Cocoanuts

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Filmdate
Düütsche Titel: Et vorhanda
Orginaltitel: The Cocoanuts
Produktionsland: USA
Erschinigsjoor: 1929
Längi (PAL-DVD): 93 Minute
Orginalsprooch: Englisch
Stab
Regie: Robert Florey
Joseph Santley
Dräibuech: George S. Kaufman
Morrie Ryskind
Produktion: Monta Bell
Musig: Irving Berlin
Kamera: George J. Folsey
Schnitt: Barney Rogan
Bsetzig
  • dr Groucho Marx als Mr. Hammer
  • dr Harpo Marx als Harpo
  • dr Chico Marx als Chico
  • dr Zeppo Marx als Horatio Jamison
  • dr Oscar Shaw als Bob Adams
  • d Mary Eaton als Polly Potter
  • dr Cyril Ring als Harvey Yates
  • d Kay Francis als Penelope
  • d Margaret Dumont als Mrs. Potter
  • dr Basil Ruysdael als Bolezischt Hennessey
Dialäkt: Schwäbisch

The Cocoanuts (uff deitsch dät mr saga „Die Kokosnüsse“, schwäbisch „D Kokosniss“) ischt a US-amerikanischer Schbiilfilm us-em Jôhr 1929 vo de zwoi Reschisseer Robert Florey ond Joseph Santley mit de Marx Brothers en de Hauptrolla. An deitscha Titel geit’s et vo deam Werk; s ischt bloß en dr Originalfassong mit deitsche Zwischatitel uff-em deitschschbrôchiga Markt erheltlich.

Om was-es en deam Film gôht[ändere | Quälltäxt bearbeite]

Dr Groucho schbiilt da Mr. Hammer, an tipischa Biidermôô, wo z Florida a Hodell besitzt, wo kurz vôr dr Pleide stôht. Scho seit zwoi Wocha isch dr Mr. Hammer seim Personal da Loh schuldig bliiba. Uff oimôl siht’r wiidr a Lichtle am Horizont: Per Telegramm kindiget sich nuie Gäscht ôô. S dauret abr et lang, ond dr Mr. Hammer muaß feschtstella, dass des Pärle – dr Harpo ond dr Chico – et grad zo de betuchde Leit gheeret. Nôchdem dia zwoi s ganz Hodell uff da Kopf gschdellt hend, werret se mit-ra ganz fein geschbonnena Intrige vo zwoi Ganova konfrondiirt, wo’s uff da wertvolla Schmuck vo-ma andra Hodell-Gascht abgseha hend: dr schwerreicha Mrs. Polly Potter. Uff des Weib hôt abr au dr Mr. Hammer a Aug gwôrfa. Wenn-an dui nemlich heirada dät, wär’r uff oin Schlag seine finanzielle Sorga los. Ehm gôht’s abr koi Härle besser wia sellem Gauner-Paar. Ovorhergsehene Schwiirichkeida dent sich pletzlich auf. Schließlich entschliaßt sich dr Mr. Hammer, mit-ra Vorsteigerong aus seira finanziella Klemme rauszokomma.[1]

Was sonscht noh erwehnenswert ischt[ändere | Quälltäxt bearbeite]

Bei sellem Stroifa handlet’s sich om d Vorfilmong vom gleichnamiga Broadway-Musical us-em Jôhr 1925 vo de Libreddischda George S. Kaufman ond Morrie Ryskind ond em Kombonischda Irving Berlin. Des isch dr erschde Film, wo selle viir Marx Brothers dren mitgschbiilt hend. En seira Hoimet isch der Stroifa zom erschda Môl am 3. Auguscht 1929 ens Kino komma. En Deitschland hôt’r sei Premiere erscht am 16. Januar 1967 em Programm vo dr ARD ghet.

Kridik[ändere | Quälltäxt bearbeite]

Dr Evangelische Film-Beobachter fasst sei Urteil so zamma: „Verfilmung eines Broadway-Musicals, das den vier Brüdern Gelegenheit gibt, ein Feuerwerk an Wortwitzen und Slapstik-Komik abzubrennen. Durch die technischen Unzulänglichkeiten – der Film wurde aus einer Reihe alter Kopien zusammengestellt und mit viel zu langen und zu schnell ablaufenden Zwischentiteln versehen – wurde der ungestörte Genuß am gelungenen Klamauk beeinträchtigt.“[2]

Oinzlne Nôchweis[ändere | Quälltäxt bearbeite]

  1. D Quell fir dui Handlongs-Ôgab isch d Langkridik vom Evangelischa Film-Beobachter, rausgäa vom Evangelischa Pressevorband fir Bayern z Mincha, Kridik Nr. 43/1967, S. 62 bis 63
  2. Evangelischer Film-Beobachter, a. a. O.

Weblink[ändere | Quälltäxt bearbeite]