S Muttezer Lied

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

H. Kist - E. Schaub

1.
Z' Muttez uf em Wartebärg stönde drei Ruine
Si luege trutzig über's Land und wit bis Basel ine
Wit bis zum Schwarzwald, bis zum Rhy
Säg, wo cha's au no schöner sy?

Refrain
Zige zage zige zage hoi hoi hoi!
Z' Muttez do sy mer dehäi hoi hoi!
Zige zage zige zage hoi hoi hoi!
Z' Muttez do sy mer dehäi hoi hoi!

2.
Z' Muttez uf em Wartebärg wachse schöni Räbe
Gsehsch under dir die grüeni Hard, dr Hörnlifels drnäbe.
D'Chrischona grüesst und s Bruederholz
Uf so ne Ussicht sy mer stolz.

Refrain

3.
Muttez het dr Wartebärg drum in sim Wappe inne,
e rote Leu, wo ufrächt stoht und roti Türm mit Zinne.
Wie gseht das Wappe rassig us,
es isch e Schmuck für jedes Hus!

Refrain

4.
Z'Muttez underm Wartebärg het's fünf alti Strosse,
die bilde öppis wie ne Stärn, dort wo si zämmestosse,
gäg' Oscht d'Burggass, d'Hauptstross nach Nord,
zum Gämpe, nach Basel, nur Geischpel isch kei Ort.

Refrain

5.
Z' Muttez underm Wartebärg het sich mängs verwandlet:
Wo d'Buure gwohnt und gwärchet hei, wird jetzte meischtens g'handlet.
Durch d'Bahn, durch's Tram, dur d'Stross und s'Salz,
isch Muttez g'wachse, nid jedem g'fallts.

Refrain

6.
Z' Muttez underm Wartebärg chasch jo mängs erläbe:
Vill Ort vom Sport, Konzärt und Märt, kei Langwyl au bi Räge,
Fasnacht, Banntag ‐ vill alti Brüüch,
wär do nid zuegrifft, dä isch schüüch.

Refrain

7.
Z' Muttez underm Wartebärg läbe vili Chinder,
us Nord und Süd, us Oscht und Wescht, jo, s'het au chlini Inder.
Mir Chinder wänn's dr Wält bewiise:
Enander gärn ha löst mängi Krise.

Refrain

Lueg au[Quälltäxt bearbeite]

Weblingg[Quälltäxt bearbeite]