Text:Paul Haller/Gedichte/Ich, du, er

S. 107
Ich, du, er

I bi doch en tumme Hagel,
As i au eso mues säge!
Loh mr s’Stüehli obem Mäle
Underem Füdli vüre stäle.
As i au eso mues säge!

Du bisch glych e rächti Chue,
As i au eso mues säge!
Hesch mr ghulfe zieh am Chare,
Hesch mr en in Dräck verfahre;
As i au eso mues säge!

Er isch halt en schlaue Chäib,
As i au eso mues säge!
Mi händ d’Mäitli uf dr Latte,
Er het bald en Goof im Chratte!
As i au eso mues säge!