Text:Michel Buck/Bagenga/Dummfälta’la

[89]
Dummfälta’la^[1].

Lauft a klei’s Büable alloi’,
Findt dô a Veili am Roi’
Und a Schmalzappel^[2] derbei –
Jerum, wia menschalats glei!
S glaubt em betrüaglicha Schei’,
Brockt d Appel, lôht s Veigeli sei’.

Fluicht dô a Fältere klei’
Wuslig beim Lädele rei’,
Ischt noh so jung und so dumm,
Pfludrat um s Ämpele rum,
Bis es a Pfuchzgerle^[3] thuat –
S Fälterle leit in der Gluat.

--- <references>