Text:Meinrad Lienert/Dr Dichter
Dr Dichter, dichtet vum Meinrad Lienert (1865-1933), stammt us em Gedichtband Us Härz und Heimed.
Dr Dichter
[Quälltäxt bearbeite]Was saist, wer ist ä Dichter?
Där wou ersinne cha;
Wou d’Gschichte schöin verzellt,
Wou i dr Wält umgönd,
Wou i dä Auge stönd,
Wou ’s Härz nüd cha vertha.
Was saist, wer ist ä Dichter?
Där woun is für ’ne Stund
Cha uftue ’s Paradys;
Där woun is Lanzig lacht
Und woun is d’Hell’ ufmacht,
Und wyst bis uf ä Grund.
Was saist, wer ist ä Dichter?
Där woun is Märli spinnt,
Wou sälber us eim chunnt,
Nachtwandler im ’ne Ring,
Ä Bättler und ä Chüng,
Und heiliggwüss äs Chind.
Literatur
[Quälltäxt bearbeite]- Meinrad Lienert: Us Härz und Heimed, Verlag Sauerländer & Co., Aarau 1933.