Text:Louis Zumstein/Hannsvaltin on Annele of der Alpo

Louis Zumstein (1805–1871)

Hannsvaltin on Annele of der Alpo

Hans
Holla, du liebe, liebe Aiiiiele,
Chemm, mach mer uf de Ter,
Es éscht hie usna topp o wiäscht
Chemm gschwend, tue d’ Reglo fer!

Annele
Ech stein nid uf, loan de nid e!
Ben hie ém Bett so wohl –
Gan zär andra ds' Land ambré,
Di escht gwess lise froh.

Hans
Hoho! du hebsche Massiera,
Wi béscht du hena stolz –
Chemm, tsend mer as leks Firle a
Wenn déch net rut das Holz!

Annele
Das Holz, das rut méch secher nid,
Hiä ennä esch deschiä gnuäg,
Aber enger chennscht mer notte nid
Iez gang, lamme met rueb.

Hans
So de: phiet Gott, ech schek’ me dre
On du geh der a Ma,
A liebsche, woa meh häd als e,
Juhe! Ech lachen dra!

Annele
So beit! ech tuen der versche uf
Gueter Dengo, liebs o rächts,
Du weischt, es escht halt so de Bruch,
Mo jiäd na, wemmo ou mecht.

Hans
Ech wellte dass gän gän Sommer wär
On of der Alpo grien.
Bi Tag òf d’Jagd goa met mim Gwer
On ts’ Nacht si hie bi dier.