Text:Jacob Burckhardt/E Hämpfeli Lieder/Uf der Gaß

Us der alemannische Wikipedia, der freie Dialäkt-Enzyklopedy

Uf der Gaß.

S' isch spoti Nacht, und d'Läde zue –
Me ghört doch Gsang und Saite,
Und s'Schubert's Lieder kennt me-n-au,
Und s'Gritli mueß bigleite.

I kenn Dy Herz, wie's Othem zieht,
Es wurd e mengi gryne.
Dir wird's scho nur vom Singe lycht
Und sunst verziehsch kei Miene.

Dä wo die Tön erfunde het
Ghört au scho zue de Stille,
I thät em sunst no Kräfte gern
E-n-Ehr um Dynetwille.

Die Lieder gehnd um d'Welt zringsum,
Schön sind sie ohni z'wähle. –
Doch weiß i's erst vo Dir: Sie sind
E Gsang für starki Seele!