Na Büachli für d'Hauensteiner über Republik, Regilion und andere Sacha vom Hans Guckinofa, am Cholweg
- S’ erst Ģ’sätzli.
Jez chani anfanga nümm also müaßig zualuaga, wend’s aso drunter und d’rüber goht, aß aim schiar schwarz würd vor da Auga, i mua jez au a Büachli macha, het jo da Spitaler z’Walzat au ais gmacht, wennar scho an Wälderhotz isch, wia i au.
- 2t’s Ģ’sätzli.
Ja, wa muani denn dri schriba? Do will i jez dri schriba, wa scho lang imar g’steckat isch und wani scho lang gern ußbrialat het, aß mas g’hört het vo Wila und Waldchilch bis go Attorf, Hornberg und Bergalinga und vo Henner und Hochsal bis is Herraschrieder und Gerbler Einig. Nai da briala het nüt gnüzt, den s’sind Ander, wo an anderi Briali hend wedei i. Dia lüaiat s’ganz Ding voll, drumm will i jez ordeli mit eu reda und düttli, as es niadara verstoh cha.
- 3t’s Ģ’sätzli.
Wana Republik für a Ding seig? — A Republik isch au öbis — he wüßatars denn it, sa gönt a Gottsnama z’Säckaga oder z’Laufaburg übar Brugg oder lönd i z’Hauastai oder z’Choblaz übara stoßa und luagat. Na Republik isch Freiheit und Gleichheit, woma cha stehla und umbringa und macha, wama will, sait ma: Sell isch aber verloga. Da chönt aim dar Urablasi vo S:gata am beschta biwisa. Er het lang im Badischa umma g:stohla und s’het ams alliwihl tua, bißar uf Eika dura cho isch, darno ischar gli am Chara gsi. Bi eus isch no lang it sa streng aß inara Republik. Wenn jo bi eus ein halber z’todt g’schlaga würd, sa chunt da Thätter öba 6 Wucha is Loch darno hetses. Hetses darno? Nai shets darno no it, er mua darno no na ganze Malleta voll Chösta zahle. Aha Zahla, da isch a Wörtli, do litts. —
Wie viel Stür mua ein, wone so mittlergattig Güatli het bin eus zahla. Da wüßater wohl; aber wa ain in der Schwiy ehna zahle mua, wüßetar it, aber i waißes, gar nütt.
Vor Altem simer libaiga older fällig gsi im Chloster St. Bläsi, darno, wenn dört da Maister gstorba isch, sa het s’Chloster s’fürnehmst baar Stiara chöna neh. Jez isch kai Libaigaschaft meh; aber wend Öber stirbt, chosts darno nütt? Theilig oder Jnfentari b’Sportla chämet no höcher aß früjer da Sterbfall. Da isch a weng obis vom zahla gsi.
- 4t’s Ģ’sätzli.
(A Weng Öbis vom Recht, s’isch aber au no a
Weng vom Zahla drunder.)
— J ha afanga na paar mol d’Soldata gseh exeziara, do muana da Oberst oder da Hauptma säga, wa si müand macha, rechts oder lings umma d’Büchs uf da Boda aba oder uf da Bugel ua thua etc. etc. Aso isch grad uf da Ämtara, nu mit dem Unterschied, aß bi da Soldata, da Hauptma mua Säga, wa sie münd macha; ufem Ambt aber sött’s da Bur säga, wo s’ it weißt. Do chama 10, 20 bis 30 mol uf Walzat oder Säckaga danza, bis nu die chlinst Sach fertig isch. J ha an Brozeß gha. J ha aim an Chalbili z’chaufa geh für 10 Daler, darno het mer dar ander nütt wella darfür geh. J bi nu drißig mol vor Amt gsi darwega. Ellimol isch öbis ganga und elimol gar nütt. Wo’s fertig gsi isch, hani mini Daglöh wella. S’hät aber gheißa s’seig amma it nöthig gsi und i ha nütt übercho.
Später hani o mol aim 130 Täg gschaffat für 3 Batza s’Tags und z’Essa. Darno het mar de Kerlibursch au nütt wella geh. J gang und übergiebs ima Afflikat. J ha denkt, de waißt darno scho, wama mua macha und darno mua dar Ander d’Chösta zahla. Dar Afflikat het da Brozeß gunna und mir hends Beed verspielt. Wia cha da si? Dar Ander het mi müaßa zahla und i ha mini 26 fl. übercho, aber im Afflikat müaßa 28 und an halba Guldi z’Loh geh. J bi darno, woni dar Afflikat zahlt gha ha ina Wirthshus ia ganga und ha für min letzta Sechser an Schoppa Biar drunka und für an Groscha Brod gessa. — Dört hani ufara Tafala an schwarza Ma abgmolat g’seh, de het a Ringli i dar Nasa gha, — da Wirth het gseit s’seig a Mohr am Syglaf, — do hani denkt: O, mir hend au Ringli i dar Nasa und s’Naraseil isch dra her g’letschät, hani denkt, mir sind au Sglafa wominis dra füart. —
- 5t’s Ģ’sätzli.
(Vo der Regilion, s’isch bi allem vom Zahla drunter.)
Dia, wo nümm recht wend folga und si no a Weng wend spera, de lezt Chrüzer auf Karlisruai aba zschicka, da sind Chezerbuaba, da sind Rungl, die wend eus d’Regilion neh; denn, wemma na Republik het, sa verlürt ma da Glauba. — Da hend mir ufem Wald it erdenkt, da isch eus gseit worea und viel sind sa dumm gsi und hend’s glaubt. Aber wo isch d’Regilion höcher in Ehra aß i der Schwiz, wo na Republik isch. Und a so aifältig sött’s aim itt a mol trauma, ma well aim d’Regilion neh!?
Jsch den d’Regilion a Ding, chamas aim geh und neh? J ha bi eusem Burgermeister a mol s’Fahndungsblättli glesa, do sind viel Sacha drinn g’standa aß, g’stohla worda sind, Jmba, Speck, Säu, Geld, Segasa, Sech, Wegasa. Darno hani an ganza Hufa a so Blättli durlesa und seg zum Burgermeister: S’isch au wunderli: Allerlei isch g’stohla worda, aß niama a kai Regilion. Närscha Hanz! het da Burgermaister gsait: da Regilion chama aim jo it stehla, und wemmas chönt, sa dät ma jo doch nütt drus lösa. Ja Burgermaister, worum hender denn alliwihl a so g’jomarat, aß miar um d’Regilion chömet. Dar Burgermaister het gsait: „Dorum, du verstosches it besser Hanz!“ — J waiß wohl wias isch, ma muaß zua da Lütta a so säga, aßi itt au rebellisch werda und aßi schö folga. Aso isch, d’regilion, wenn si aim gno würd, für an andera an Werth het, so hättet mir eusi scho lang verlora, mengem wär si au pfennt und im Exekutionsweg versteigart worda.
Durwilla het ma nis d’Regilion no alliwihl glo und het nu gluagat aß man is s’Geld vertwütscht het. Het doch eusa Her, demm s’Predaga im Wirthshus besser vo dar Riastara fallt, aß i der Chilcha, gsait: „Wenn uns die Herren hätten wollen unsere Beseldung schmälern,, so würden wohl die Bauern Oberhand bekommen haben.“ —
- 6t’s Ģ’sätzli.
(Sind mir Wälder die Gröbsta older gitts no Gröber?.)
Aß mir keine Spetzler sind und it chönat Scharis macha und schwänzla, wüßat miar wohl, und machat is au it viel drus; doch da würd is alliwihl für Grobheit agrechnat und i ha alliwihl gmeint, mir seiga, die Göbsta, bis i a mol uf’s Amt cho bi. J ha halt au mi Sach gsait, darno het der gestrenge Her Ambtma gmacht: “Pabababa. Jch verstehe den Kanofer nicht, kommt ein andersmal.“
“J ha gsait: Ja, wenni au an ander mol chum, sa chani doch kai anderi Sproch.“ Darno het der Ambtma gsait i söll go, und der Schriber het d’Thür ufthua, darno hani halt müaßa goh.
Woni s’nächst mol wieder cho bi, het ein Schriber zuam Andera gsait: „Der vierschrötige Strubelkopf ist auch schon wieder da.“ Der Ambtma het darno gsait uf dem Hotzawald seig doch s’dümmst und s’liederlichst Lumpengesiindel, wos gäb. Die Grobheita hemmar alliwihl agno; drumm alliwihl nur no meh übercho.
- 7t’s Ģ’sätzli.
(Wo d’Schwoba und Ander nütt nutzig worda sind, do
sin d’Schwarzwälder bräver worda.
Je, wo d’Hera gschmöckt hend, aß öbis um d’Weg isch, do het sanna au agfanga forcha und will sie g’wüßt hend aßi bi da Wäldara öbis uf der Schufle hend, sa hend sies agfanga rüama; aber si sind au gar so plump gsi da bi, und sa bald si gmerkt hend, aßes wieder a weng chönt thua, hend si scho wieder agfanga renka. Mir wüßat wohl, was d’Hera mit eus mainat. Sie bruchat is it lang zrüama und Katz da Buggel uf z’jaga
- 8t’s Ģ’sätzli.
(An ernstli Wörtli, wana Republik eigeli seig.)
Jnara Republik sind d’Chind nütt aß Chrind, im Fürstenstaat het a Chind voma Fürst scho großi Titel und Ehra und scho als Chind meh z’Lohn alli Johr, aß 100 Taglöhner mit allem Fliß verdiena. Für wa? J weißas it, denkwohl fürs pflenna. An Fürst selber und a Frau Fürstana hend alli also en große Loh, ob sie obis thüand und öbis verstöhnd oder itt. Jma General, Oberst u. s. w. gitt ma 1 2 0 0 0 fl. alli Johr und ima Soldat s’Tags 2 Chrützer. Aso is ch inara Republik itt, inara Republik het da Groß weniger und da Chlai het meh.
Jm Fürstastaat muß ain, wennar Biamta oder öbis eso werda will gstudiert ha und chunt uf sin Platz ohne aßes d’Lütt wüßat. J dar Republik chama bi Biamtata all zähma wähla, wiema da Burgermeister wählt. Dia chönat dorno nümm sa grob si mit aim und Aim, wendsana it grad gschmöckt, halbtagwis ummastoh lo und aim abschnauze, will ma na sust d’Stimm nümm gitt. Also an Biamtata isch in Sida, Sammat und Fedara inn ufzoga worda, darno het er glehrt studira und d’ Burs-Lütt verachta und verspotta. De weißt itt, wias Burslütt und wias dar arm Deufel |het; denn da wärem scho z’aifaltig as er si um da bekümmara thät.
J will an Biwis macha: Wend euserain ama Ort öbis zhaischa het und wills bitriba, sa chas zwai bis drü Jöhr |go, bis er öbis het; wend aber da G’staat öbis haischt, darno heters gschnind. D’Republik isch guat für Bura und da Fürstastaat isch für d’Hera und fürs Lumpagsindel, wo vo ander Lütta wend fressa, durwilla briala d’Hera also dargega: Nu kai Republik, nur kai Republik!! J dar Republik isch dar Biamta au an g’maina Ma, wo ma au verstoht und wo ain au versoht und ordili mit aim isch und ain itt nu alliwihl will abschuala, wema sie mit ama Wörli verfehlt. Durwilla hend alli Agstellta agfanga renka, wo sie gseh hend, wias chönt usa cho und au da Schualmaistara isch nümm z’traua, sittsi z’Walzat ghört hend, aßi söttet vo da Bura gwählt werda; denn si wäre au no lieber Halbhera, aß daß si si möchta t zua da Burslütta rechna. J wett no meh säga, aber s’isch a Chachla z’viel am Ofa.
- No na Liadli.
S’isch mir aigall nütt dra glega;
D’Thüri het schiar alles gno —
Dar Exiquant het au sin Lohn;
Drum waißt nütt meh z’säga
As nehmat s’Schwert und Büchs i d’Hand
Und machat frei das Vaterland !!! —