Text:Breisgauer Volksspiegel/Kinderreime und Spiellieder

Us der alemannische Wikipedia, der freie Dialäkt-Enzyklopedy

1.
Hanseli will go Birli schüttle,
Birli will nit falle.
Schickt der Maischter ‘s Hündeli uuse,
‘s soll go ‘s Hanseli bysse,
Hündeli will nit ‘s Hanseli bysse,
Hanseli will nit Birli schüttle
‘s Birli will nit falle.

Schickt der Maischter ‘s Bängeli uuse,
‘s soll go ‘s Hündeli schlage:
Bängeli will nit ‘s Hündeli schlage,
Hündeli will nit ‘s Hanseli bysse,
Hanseli will nit Birli schüttle
‘s Birli will nit falle.

Schickt der Maischter ‘s Füürli uuse,
‘s soll go ‘s Bängeli brenne:
Füürli will nit ‘s Bängeli brenne,
Bängeli will nit ‘s Hündeli schlage,
Hündeli will nit ‘s Hanseli bysse,
Hanseli will nit Birli schüttle
‘s Birli will nit falle.

Schickt der Maischter ‘s Wässerli uuse,
‘s soll go ‘s Füürli lösche:
Wässerli will nit ‘s Füürli lösche,
Füürli will nit ‘s Bängeli brenne,
Bängeli will nit ‘s Hündeli schlage,
Hündeli will nit ‘s Hanseli bysse,
Hanseli will nit Birli schüttle
‘s Birli will nit falle.

Schickt der Maischter ‘s Chälbli uuse,
‘s soll go ‘s Wässerli lappe:
Chälbli will nit ‘s Wässerli lappe,
Wässerli will nit ‘s Füürli lösche,
Füürli will nit ‘s Bängeli brenne,
Bängeli will nit ‘s Hündeli schlage,
Hündeli will nit ‘s Hanseli bysse,
Hanseli will nit Birli schüttle
‘s Birli will nit falle.

Schickt der Maischter der Metzger uuse,
Soll go ‘s Chäbli steche:
Metzger will nit ‘s Chälbli steche,
Chälbli will nit ‘s Wässerli lappe,
Wässerli will nit ‘s Füürli lösche,
Füürli will nit ‘s Bängeli brenne,
Bängeli will nit ‘s Hündeli schlage,
Hündeli will nit ‘s Hanseli bysse,
Hanseli will nit Birli schüttle
‘s Birli will nit falle.

Maischter goht jetz selber uuse,
fangt aa z‘ räsoniere:
Metzger will jetz ‘s Chälbli steche,
Chälbli will jetz ‘s Wässerli lappe,
Wässerli will jetz ‘s Füürli lösche,
Füürli will jetz ‘s Bängeli brenne,
Bängeli will jetz ‘s Hündeli schlage,
Hündeli will jetz ‘s Hanseli bysse,
Hanseli will jetz ‘s Birli schüttle
Birli will jetz falle.

2.
Batsche, batsche Chueche,
Der Bäcker hett gruefe.
Wer will gueti Chüechli bache,
Der mueß habe sibe Sache,
Aier un Schmalz,
Anke un Salz,
Milch un Mehl,
Saffera macht d’ Chüechli gäl.

3.
Jockeli, Zockeli,
Gang nit in d’ Bohne
Wenn der Vetter Michel chunnt,
Wird er dir was chrome.

4.
Chämmifäger, scharzer Maa,
Het e rueßig Hämmli aa,
Ohni Stifel, ohni Strumpfe,
Macht di alte Wiiber gumpfe.

Andere Fassung:
Chämmifäger mitm Bäse,
Alle Rueß mueß er verläse,
Mitm chratzige Stumbe,
Macht er d’ Wiiber gumbe.

5.
Hopsa, Liiseli, lüpf der Fueß,
Wenm i mitder danze mueß!
Mitder danze mag i nit,
Wenn de der Fueß nit lüpfe wit.

6.
D’ Sunne schiint,
‘s Vögeli griint,
‘s hockt underemLaade,
‘s nimmt ‘m Schniider der Faade,
Der Schniider nimmt der Rödelstai,
Wirft ‘m Vögeli ‘s Bai abzwai,
‘s Vögeli schreit: O jee!
Der Schniider sait: Gäl, i ha di gee!

7.
‘s schneierlet un ‘s beierlet,
Un ‘s goht e chalte Wind;
Jetz lege d’ Maideli Händschig aa,
Un d’ Buebe laufe gschwind.

8.
Bäbeli, Schnäbäbeli
Hett ‘s Hämli verbrännt,
Jetz isch ‘m si Muetter
Mit der Fitzi nogrennt;
Um d’ Schüüre un ums Huus,
Ums Huus un um d’ Schüüre,
Bäbeli, Schnäbäbeli,
Spiel nit mitem Füür.

10.
Rytte, Rytte Roß,
Z’ Basel isch e Schloß,
Z’ Friibrg isch e Gụgehuus,
‘s luege drei Madamme ruß,
Aini spinnt Siide,
Die ander schnäpfled Chriide,
Die dritt spinnt e rote Rock,
Für unsere liebe Härrgott.

Andere Fassung:
Rytte, Rytte Roß,
Z’ Basel isch e Schloß,
Z’ Tunsel isch e Chäbeli
D’ Buebe trage Dschöbeli;
D’ Maidli trage Maie,
Der Guler goht go schräie,
Giggerigii!

Andere Fassung:
Rytte, Rytte Roß,
Z’ Basel isch e Schloß,
Z’ Friibrg stoht e Härrehuus,
‘s luege drei Mareieli rus.
Ais windet Siide,
‘s andre schnäpfled Chriide,
‘s dritt stoht an der Wand,
Hett e Glöckli in der Hand,
Wem des Glöckli schlot,
Der isch uff der Stelle tot;
Wem des Glöckli chlinglet,
Der chommt in der Himmel.

10.
Silvi, Silvi, chrummi Bai,
Gib mer e Wurscht, no chumm i nei.
Aber kai so chlaini;
Gib mer zwo für aini.
Stiig uffi bis an d’ Firscht,
Hau abe Späck un Würscht,
Lenn des Messer innigoh,
Sag drno: D’ Chatz hett‘s gnoo.

11.
Ringe, Ringe, Dänzli,
D’ Maideli trage Chränzli,
D’ Buebe trage Maieli,
Butte, Butte, Baieli.

12.
Dudi, Dudi, Daie,
‘s Chüeli goht in Maie,
‘s Chüeli frißt jetzt Gras un Chlee,
‘s Blüemli wemmer selber neh.

13.
Dudi, Dudi, Dusi,
‘s goht e Männeli dört uusi,
Der het so schöni Schüeli fail;
Chaufe mer unserem Maideli zwai.

14. Fritz, Fritz, Kartoffelschnitz,
Gang mr nit an d’ Bohne,
Wenn der Kaiser Wilhelm chommt,
Schießt er mit Kanone.

15.
Budde, Budde, Wiegeli,
Uffm Dach hett‘s Ziegeli;
By de Ziegleli sinn Schindeli,
Schlof mi Bütschichindeli.

16.
Giri, Giri, Gitz
‘s Müetterli chocht mer Schnitz,
I gang über der Hafe;
Si schlait mr e Schytt uff d’ Nase,
Giri, Giri, Gitz,
Jetz hani myni Schnitz.

17.
Haidelidum, drei Nuß im Säckli,
Haidelidum, wer hett drs gee?
Haidelidum, der Vetter Jäckli,
Haidelidum, wo hesch ‘n gseh?
Haidelidum, in wellem Huus?
Haidelidum, im Schniiderhuus.
Haidelidum, was macht er au do?
Haidelidum, muesch selber goh.

18.
‘s Bündeli uffem Rucke,
E Steckeli in der Hand,
Ad, my lieber Vadder,
I gang ins Schwoweland.
Jetz dued üch amüsiere,
So viil un lang ihr wenn;
Un wenn i wider haimechomm,
Wer waiß, ob ihr mi chennt.

19.
Im Oferohr sinn Öpfelschnitz,
Loset, wie es broddled!
Für d’ Chinder nüt Bessres git‘s
Chommt alli hegedroddet!
Dir ain, mir ain, alle brace Chinder ain.

20. Annemeieli, Annemeieli,
Bisch so fideeli;
Wenn de drei Batze hesch,
Chaufsche Kaffeeli.

21.
Haidelidum, was hesch im Säckli?
Haidelidum, drei Häckli.
Haidelidum, wer isch di Götti?
I glaub fascht gar der Faßbrandseppli.

22.
Schnick, Schnack, Schnecke,
Due dii Hörner strecke,
Streck si alli vieri
Hüt muesch noch spaziere;
Streck dii Hörner vorne nuff.
Hüt goht‘s e hohe Berg nuff.
Sy Vadder stiigt scho sibe Johr;
Dy Muetter hett jo gar kai Hoor.
Schnick, Schnack, Schnecke,
Due dii Hörner strecke.

23.
Eia, Popeia, schlag ‘s Gülleri tot,
‘s lait mer Aier un frißt mer my Brot.

24.
Herrgottschäferli, flieg ụs,
Flieg über der Rhii nụs;
Bring mym Maideli e Bluemestrụß,
Bring mym Vadder e Faß voll Wii,
Daß er mag recht luschtig sii,
Un dem Müetterli, daß es nid dued zanke,
En große, große Ballen Anke!