Text:August Lustig/A. Lustig Sämtliche Werke: Band 1/Z'Owe. (2)

Us der alemannische Wikipedia, der freie Dialäkt-Enzyklopedy
Z'Owe.

452 - 453


Ich bi noch spot im Wald do owe
Un schaü ins stille, tiefe Thal,
Verguldet, meint me, seig's hit z'Owe,
Sa schimmert alles iwerall.

Scho wachst de Berge-n-ihre Schatte
Züe dunkle Rieseg'stalte-n-a
Dert unte-n-uf de griene Matte;
Bol wird dr Tag e-n-End jetz ha.

's wird alles still, kei Luft thüet rüsche
Dur d'Blätter meh; nur noch allei
Dr wilde Waldbach hört me brüsche
Eitönig iwer d'Felsestei.

Ne wunderbarer Friede waltet
Jetz iwer eim in dàre Stund;
Wie schad isch's doch, ass er nit haltet
Un ass dr Sturm als wieder kunnt!