Text:August Lustig/A. Lustig Sämtliche Werke: Band 1/Was Dich nitt brennt, das blos Dü nitt.

Dr Seppi un dr rothe Schang
Sin letschthi bi me Schoppe g'sesse,
Se hàn o 's raüche nitt vergesse,
Un hàn so g'schwàtzt scho ziemlig lang;
Uf eimol thüet dr Seppi schreie:
Los, Schang, jetz ha-n-i bol genüe
Mit Dine dumme Schwàtzereie!
Was hasch Dü z'sage do derzüe?
Ich mach, hasch g'hört, was mir thüet g'falle,
Un Nieme ka mich hindre dra,
Das isch mi Sach, un Dich wie Alle
Geht eigentlig das gar nit a,
Was Dich nitt brennt, müesch Dü nitt blose!
So schimpft er furt un steckt in d'Hose
Im Aerger ohne Achtung z'gà
Si Pfiffe, wo halt noch thüet brenne.

Dr Schang, wo ihn scho längscht thüet kenne,
Dà schwigt, doch bol hat er Raüch g'sàh
Ganz langsam üs em Hosesack
Vo sim erzürnte Nochber stige.
's Zig isch agange vom Tüwack,
Un immer thüet dr Schang noch schwige,
Ganz rüehig lüegt er züe-n-eso,
Bis ass e Loch, e grosses, scho
Im Seppi d'Hose, d'nagelneüe,
Verschàndet hat, un ass bol druf
Er selbscht vor Schmerz jetz lüt thüet schreie
Un springt grad as wie rasend uf,
Fir g'schwind mit Flüeche-n-un mit schwöre
Dà unheilvolle Brand z'verstöre.
Dü Esel! hasch nit sage känne,
Rieft er im Schang jetz zornig züe,
Denn sicher hasch Dü mich g'sàh brenne,
Ich sieh Dir's a, De lachsch genüe!
's isch wohr, ich ha's selbst g'sàh afange,
Sàit dà, doch isch's mich nit agange,
Dü selbst hasch mir jo g'sàit jetz hit:
Was dich nitt brennt, das blos dü nitt!