Text:August Lustig/A. Lustig Sämtliche Werke: Band 1/Uf dr Gasse.

Schaü, wie die Büewe-n-uf dr Stross
Wild sin! Se mache Heebst druf los,
Grad thüet dr Edi drissig mache
Un « abdankt, erster, » hopp in d'Lache!
« Nit üse un nitt putzt, nitt g'legt, »
So schreie-n-Alle, un ufg'steckt
Hat's halt dr Edi, er isch ab.
Jetz isch's am Hans... Oh weh! nur knapp
Hat er si Meckerle jetz troffe.
's isch schier e Suppe, drum isch z'hoffe,
Ass gli dr Schaki no wird ku;
Was ha-n-i g'sàit?... scho hat er gnu
Dr Stecke: « Heebst! » dà ka's efange,
Das fliegt!.... doch schaü, me hat's em g'fange!
Dr Seppi wird meh Glick jetz ha!
Doch bol thüet dà dernàwe schla,
« Dernàwe g'schla isch ab, » schreit Jeder,
An wem isch's jetz, ich glaüb am Peter?
« Achtung, » rieft dà, « ihr känne nit,
Ihr werde sàh, 's bringt's Kein so wit. »
G'schwind schlat er, doch fahrt's noch viel g'schwinder
In Eim an Kopf. « Dü Hess, dü blinder,
Gib Achtung, » hat dà ufbegàhrt.
« Abdankt! un erster, zweiter .... g'schàrrt! »
So schreie-n-Alle, « 's thüet nitt gelte! »
« Was g'schàrrt,» thüet jetz dr Peter schelte,
« Ich mein, wenn's eim an Kopf doch schlat...
Do zwanzig, das macht hundert grad. »
« Miss jetz die zwanzig, mr wànn schaüe,
's git zehne küm, » so wird jetz g'schraüe,
Dr Peter misst, doch git's es nitt.
« Das ka nitt geh, ihr b'schisse hit, »
Rieft er im Zorn, « ich loss eüch stecke,
Ich nimm mi Meckerle, mi Stecke,
Ihr spiele, wie-n-ihr wànn derno. »
« So b'halt's doch, 's git noch viel eso,
Mr wànn di Meckerle nitt fresse;
Doch wart nur, 's isch dr nitt vergesse,
Mr denke dra, » so schreit dr Hans.
« Do kunnt dr Veri, » rieft dr Franz,
« Er hat e-n-Äpfel wieder g'numme! »
Gli stehn jetz Alle-u-uni dà umme.
Er isst ganz langsam nur mit Fliss.
« Zeig, Veri, gi' mr o ne Biss,
I hilf dr, wenn di Ein will schmiere, »
So rieft dr Fritzi hinte fire.
« Müesch nitt, » schreit Ein, « dü weisch jo wohl,
Er hat dr Glicker g'ràtscht diemol!
Los, Veri, gib dü mir dr Butze,
Wenn ich dr hilf, thüet's viel mehr nutze,
Ich bi noch stärker as dr Fritz! »
« Nei, Veri, gib dü mir e Schnitz,
De derfsch mi Bàredràck abzulle! »
« Lehn doch dà Motschkopf geh, dà g'schwulle,
Er will jo doch in Keim nit gà!
Das git e Rüech, ihr werde's sàh!
Me sieht's em a, 's isch em nitt z'traüe,
Thien nur si Hokenase b'schaüe
Un 's Mül, wie-n-er's als z'àmme pfàtzt! »
Das alles wird durnander g'schwàtzt.
« Mr thien dr uf di Butze mole,
Mr känne jo o Äpfel hole
Un schön're noch, » so sàit dr Hans,
« Denn diner isch doch wurmig ganz! »
Dr Toni meint: « Lehn doch 's flattiere,
Ich wott's em nitt emol ariehre,
Si Äpfel, denn ich möcht mr nitt
's Nachtesse geh verderwe mit.
Mr hàn hit ebbes, Kein thàt's rothe!
Mi Müettcr thüet is Tüwe brote! »
« Jo Tüwe,» fangt dr Seppi a
Veràchtlig, « do gang ich nitt dra!
Sin's nitt viellicht so runde, lange,
Wo d'Bure mit em Karst thien fange
Un wo me g'wöhlig d'ganze Brüet
Erst no-n-em Schwelle rupfe thüet? »
So frogt dr Hans, un Alle lache.
« Mr wànn Versteckerliss jetz mache,
's isch g'scheidter, » rieft dr Schaki üs,
« Wer macht mit? 's Ziel isch do am Hüs. »
« Nei, Büewe, mien nitt,» rieft dr Peter,
« Er b'schisst eim gar! erst letschthi geht er,
Anstatt uns z'süeche, rüehig heim,
Das wàr uns nie iku, in Keim,
Ne Viertelstund bin ich derwege
Im Hundestall versteckt dert g'lege,
Ganz dreifach un ha passt eso...
I bin ganz kritzlahm gsi dervo! »

« Ihr brüche 's Mül jetz nitt so z'v'risse,
Thien ihr als ebbe nitt o b'schisse?
Wenn als dr Edi blinzle soll,
So thüet er gigle-n-allemol;
Un letscht hat o dr Seppi g'stunke
Un hat's o g'làigent, 's thüet mi dunke,
As wàr das ärger b'schisse noch!... »
So schimpft dr Schaki. - « Ich ha doch
Nitt welle mich lo so afiehre, »
Thüet jetz dr Seppi reklamiera,
« 's isch g'stunke gsi, i müess es g'steh,
Doch, isch's e Wunder gsi? 's hàn Zwe
G'changiert mitnander ihre Kappe,
So ka me sich gar licht verschnappe
Un Einer fir dr Ander nàh!...

« Ihr Büewe, ich ha jetz scho g'sàh,
Ihr mache nit as dispetiere
Un thien so eüer Zit verliere! »
So sàit dr Hans un geht dervo, -
Isch's bi de Kinder nur eso?