Text:August Lustig/A. Lustig Sämtliche Werke: Band 1/Neüjohrsgedanke. (2)

Us der alemannische Wikipedia, der freie Dialäkt-Enzyklopedy
Neüjohrsgedanke.

562 - 563


So wàr's denn wieder umme jetz,
E Johr isch wieder g'schwunde!
As wie ne Traüm schint's eim mithi,
Un doch isch's 's beste grad nitt gsi;
Ne Mànger hat's empfunde!

Scho 's Wetter hat's eim ganz verfuchst;
Um's Frieihjohr si mr g'sprunge!
Ne Mai isch gsi, 's hat eim drab grüst,
Bis Jüni hat dr Winter g'hüst,
Un 's isch em z'güet nur g'lunge!

Un im September hat me halt
Scho wieder miesse fire,
Me kunnt bol nimmig üs dem G'setz;
Nin Monet Winter thüet is jetz
D'Natür efange stire!

Un as wie 's Wetter, so sin d'Lit,
Verruckt isch alles z'àmme;
Me weisst bol nimm uf dem Planet,
Wo eim dr Kopf efange steht
Un wo ne Trost hernàmme.

Vom Afang bis ans End vom Johr
Sin Alle hinternander;
's hat nieme bol kei G'wisse meh,
Se känne sich in nit versteh
Un quäle nur enander.

Un so isch's uf dr ganze Welt,
Me müess es leider sage!
's isch iwerall nur Hass un Strit,
Volk gege Volk thüet sich fir nit
Dr grösste Hass notrage.

Das macht dr « Patriotismus »,
Ass d'Lit sich so verhalte,
's isch d'allergrösste Narrheit doch,
Wo glaüb e Menscheschàdel noch
Hat känne do enthalte!

Isch denn dr Mensch nitt iwerall
Dr Gliche-n-uf dr Erde?
Lebt er nitt uf dr gliche Welt
Un unterm gliche Sternezelt,
Hat er nitt d'gliche B'schwerde?

564 - 565

's isch nur ei Nationalität:
Weltbürger sin jo Alle!
Un 's isch dr gliche Scholle Grund,
Wo Jeder an sim Tür druf kunnt,
Fir wied'r in Staüb z'zerfalle!

Fir was derno sich hasse denn
Un Grenze geh ufrichte?
Wàr 's Elend nitt scho gross genüe,
Hat d'Menschheit miesse noch drzüe
Neso ne Wahn erdichte!

Worum thieu sich im Gegetheil
Denn d'Völker nitt verbinde,
Fir d'härte G'setze, wo d'Natür
Im Lewe-n-uferlegt so sür,
Mitnander z'iwerwinde!

Wie glicklig kännte se doch si,
Wie güet thàt alles ende,
Wenn alle Hand in Hand emol
Nur wotte fir's allg'meine Wohl
D'vereinte Kraft awende.

Doch, was me jo do driwer sàit,
Nutzt nit; mr wànn abschnide.
Nemol kunnt's viellicht doch derzüe,
Jetz si mr no nitt g'scheidt genüe,
Mr mien z'erst lang noch lide.

Ich weiss nitt, eb me iwerhaüpt
Das Johr wird regrettiere;
Denn 's isch züegange ziemlig bunt,
's wàr z'hoffe-n-ass das, wo jetz kunnt,
Viel besser thàt marschiere.

Doch beide sin glaüb nitt viel werth;
Vor ebb's züem End isch gange,
Hat 's alte-n-uns noch g'spielt e Spuck,
Un 's neüe, das blibt o nitt z'ruck,
Das hat mit eim ag'fange.

Se han d'Wiehnàchta un 's Neüjohr
Grad uf e Sunntig g'richtet!
Me biesst zwe Firtig i-n-eso,
Das isch, fir eim z'vexiere do,
Grad wie express erdichtet!