Text:August Lustig/A. Lustig Sämtliche Werke: Band 1/Jean Georges Schupp.

Us der alemannische Wikipedia, der freie Dialäkt-Enzyklopedy
Jean Georges Schupp.

Züe sim hundertjàhrige Geburtstag (4. Februar 1881).

620 - 621


Ne selte Fest thüet an dem Tisch
Uns alle hit erfreie,
Ne Greis, wo hundert Johr alt isch,
Hà mir in unsre Reihe!

Ne ganzo:Johrhundert thüet er hit
Uf sine Schult're trage,
Un noch sin munter sine Schritt,
Er hat kei Bràste z'klage.

Er laüft dervo noch ganz allei,
Geht g'miethlig noch spaziere,
Dr ganze Bahn thien sine Bei
Noch tapfer üsmarschiere!

Noch immer thüet er g'sund un froh
Si Tagwerk jetz vollbringe,
Mit freiem Geist red' er noch do
Mit uns vo alle Dinge.

Un thüet sich freie so im Kreis
Vo sine Urgrosskinder,
Wo alle thien im alte Greis
Erheitre 's Lewens Winter.

Gar Wenig b'sitze so wie er
Das Alter voller Ehre;
Dr Lewenskampf, dà isch halt schwer,
's thüet's jeder Tag eim lehre!

Scho hundert Johr kàmpft er ne mit
Un isch drin Sieger bliwe,
Scho hundert Johr!... was steht hit nitt
In sim Gedàchtniss g'schriwe!

622 - 623

Vor ebb dr Freiheit Morgeroth
Isch iwer d'Welt ku stige,
Hat er scho g'lebt un jetz noch spot
Isch er dervo ne Zige.

E Newelschleier längst umschwebt
Die Zit, wo er gebore,
Was hat er alles nitt erlebt
In dàne lange Johre!

Ne mànge stolze, eitle Macht
Hat er do g'sàh ufrichte,
Wo jetz, verschwunde-n-in dr Nacht,
Nur lebt noch in dr G'schichte!

Hat Mensche g'sàh sich strite do,·
Wo längst jetz in dàr Erde,
Wo sie drum kàmpft hàn als eso,
Züe Staüb un Asche werde!

Ne mànge Freid hat viellicht wohl
Ihm frindlig als züeg'wunke,
Doch isch ihm viellicht gar màngmol
Dr Müeth o niederg'sunke?

Denn 's Lewensg'setz isch Weh un Leid,
's ka Jed's dervo verzähle!
Fir eimol, wo's eim bringt e Freid,
Thüet's hundertmol eim quäle!

Doch dur, das wird er desto mehr
Nur noch vo uns bewundert;
Ne so ne Lewensbahn bringt Ehr,
Wo zählt e ganz Johrhundert.

Un hit thüet er mit frischem Müeth
E-n-anders jetz afange;
Mr hoffe-n-ass er glicklig thüet
Viel Johre noch erlange!

G'wiss alle Wàwer, vo wit her,
Thien ihm dà Wunsch o schicke,
Wer wott ene, wenn er nitt wàr,
Denn ihre Schiffle fiicke?

Un sine güete Frind wànn doch,
Das sin jetz klare Sache,
Mit ihm wie sunscht e màngmol noch
E Rams ins Fàhnle's mache.

Drum wà mr Alle jetz emol
Lo uns're Gläser klinge,
Un fir si G'sundheit, fir si Wohl
Dr beste Wunsch ihm bringe.