Text:August Lustig/A. Lustig Sämtliche Werke: Band 1/In dr Visite. (Fortsetzung.)

Us der alemannische Wikipedia, der freie Dialäkt-Enzyklopedy
In dr Visite.

(Fortsetzung.)

138 - 139


D'Fraü Grotehor thüet hit empfange.
D'Visite sitze dert un blange
Ufs Kaffee, bis es g'rischte-n-isch;
Scho kunnt dr Kuglupf uf dr Tisch,
Me thüet nur uf d'Fraü Dings noch warte.

140 - 141

Fraü Sàge:
D'Fraü Dings, die hat doch Làwensarte!
Se haltet nie, was sie verspricht.

Fraü Gasdoche:
Se süecht e Citadine viellicht!

Fraü Grotehor:
Eim so lang mache z'passe-n-immer,
Die Fraü wird alle Tag glaüb dümmmer!

Fraü Sàge:
Jo, ich glaüb o, me hat scho g'schosse
An ihrer Taüfete!....

Fraü Grotehor:
Verflosse
Isch d'bstimmte Zit, mr sitze züe,
Mr hàn jetz, mein i, g'warte gnüe!

Fraü Gasdoche:
I glaüb, i hör se-n-nf dr Stege,
Hört Sie nitt Ebber ku, Fraü Sàge?

Fraü Sàge:
Doch, 's isch se.

Fraü Dings (kunnt ine):
Ah! i kumm grad recht.
Buschur, wie geht's?-.Do schmeckt's nitt schlecht,
's isch güet, i ka jetz wieder bisse,
I ha mr ebbes üs lo risse,
Sunscht wàr i sicher langst scho do;
's hat mich e Zahn g'schmerzt gestert scho,
Jetz hit, grad wo-n-i furt ha welle,
So steht dr Schmied uf siner Schwelle,
Dà, wo sie Schmiede hat bi uns,
Un rieft: was isch Fraü Dings, wie kunnt's,
Worum hat Sie denn hit so g'schraüe?
Kunnt's vom e Zahn, derf ich ne b'schaüe?
Er loddelt jo, so thüet's mr schine!
Das isch jo nit, kàm Se nur ine
In d'Schmiede, 's isch g'wiss gli drumm g'schàh.
Derno isch er e Schnüer geh nàh,
Hat ei End an mi Zahn abunde
Un 's andere-n-am Amboss unte,
Hat g'schwind e firig Ise gnu
Un isch derno zum Amboss ku,
Un ebb i g'wisst ha, was es git,
Fahrt er mr unter d'Nase mit,
Un hintersi bin ich dervo
Un ha mi Zahn dert hànke lo;
Vor Schrecke ha-n-i gar' nit g'spirt! ...

Fraü Gasdoche:
Dà hat nitt lang dra umme g'lirt,
Do isch's mim Mann viel schlechter ganga
Dr Coiffeur hat dreimol ag'fange
Letscht, fir si kranker Zahn z'biku.
Z'erst hat er em e güeter gnu;
Mi Mann schreit Kritzesakerdie,
Ihr thien mr d'letze Zähn üszieh!
Doch red' em dr Balwierer züe,
Er heb' jo doch noch Zähn genüe,
Un miesst nit zahle jetz fir dà,
Er well em jetz dr Rechte nàh.

Mi Mann thüet wieder ane sitze,
Doch isch's nur, fir in d'Höche z'blitze,
Zum zweitemol jetz, voll Verdruss,
Scho wieder isch e letzer druss!...
Er schreit, as wàr er in dr Höll!

142 - 143

Still, sàit jetz dr Balwierersg'sell,
Thien Se doch nitt so schreie-n-immer,
Mi Herr isch dert im Nàweszimmer,
Wenn er das hört, so isch's mir leid,
Do mien se, ohne-n-Unterscheid,
Fir jeder Zahn zwei Franke gà,
Doch ich will Ihne nit abnàh
Fir die, wo-n-ich mi thüe trumpiere....
Uf das traüt sich mi Mann nimm z'riehre,
Un biesst eso drei Zahn halt i,
Un hat si g'freit noch owedri,
Ass er so billig drum ku isch...

Fraü Grotehor:
Dr Herr Gasdoche-n-isch e Fisch!
Eso Ein wàr mr g'schliffe ku,
I hàtt en glaüb am Krage gnu?

Fraü Gasdoche:
Das hätt em g'hört, ich sàch's mit Freid,
Denn letscht heb er schint's o noch g'sàit,
Er wisst, worum ass d'Fraüezimmer
Kei Bart bekämme: wil se-n-immer
Un unufhörlig 's Wort mien fiehre,
Wie wotte sie sich lo rasiere?
Se kännte 's Mül nitt lang gnüe halte!

Fraü Sàge:
Dà soll doch nur z'erscht si's züeb'halte!

Fraü Gasdoche:
Was git's sunscht Neüs, isch's denn jetz wohr,
Hat Sie nit g'hört, Fraü Grotehor?
D'Fraü Bum sei schint's uf un dervo
Un heb ihr Mann d'heim sitze lo?

Fraü Sàge:
Ich' ha's o g'hört un ka kürn glaüwe,
Ass sich d'Fraü Bum das thüet erlaüwe,
Se hat sich sunscht nitt schlecht ufg'fiehrt!

Fraü Grotehor:
Do sin ihr alle wiescht trumpiert!
Ihr hàn's nitt g'achtet bis dohi;
's isch als e süfer Màidle gsi
Un hat e Menge Liebster g'ha.
Z'erscht isch se nach Amerika
Mit Eim, un mit em Zweit nach Spanie,
Die zählt scho mehr as ei Campagne!
Me kännt verzähle gnüe dervo.

Fraü Sàge:
Wenn ich recht hör, isch die denn scho
Viel unter de Lit ume ku!
Fir das hätt ich se doch nitt gnu;
Doh still, wer schellt eso im Hüs?

Fraü Grotehor:
's isch unser Klei, schints d'Schüel isch üs,
Dà hört me, wenn er lüte thüet.

Fraü Dings:
Fraü Grotehor, isch Sie so güet
Un làngt Se mr doch d'Zuckerklamm're.

Dr Klei (unter dr Thüre):
Do schmeckt's wie, in 're-n-Äpfelkamm're,
Wo dri....

Fraü Grotehor:
Still un gang schrib di Sach.
Me müess wahrhaft si wie ne Drach
Jetz mit de Kinder!

144 - 145

Fraü Dings (zum Klei):
Schaü, wie gross!
Kumm gi mr d'Hand, dü wachsch famos,
Was hasch denn do, am Kopf das Rothe,
Hasch Wichs biku?....

Dr Klei:
Se hat's nitt g'rothe,
Ne Müettermol isch's, sieht se's nitt,
I bi jo so uf d'Welt ku mit.

Fraü Dings:
Un do dà gàl-grien Bile links?

Dr Klei:
Das isch e Vatermol, Fraü Dings,
Das ha-n-i awer no nitt Lang...

Fraü Dings:
Mir wird's jo vor dim Vater bang!

Dr Klei:
O, jetz schlat er mi nimm so g'schwind,
Denn siter gestert isch er blind,
Er isch Nàcht geh ne Schoppe nàh
Un hat uf eimol nit meh g'sàh,
I ha g'hört, wo-n-er's g'sàit hat dunte.

Fraü Dings:
Wie hat er denn dr Heimweg g'funde?

Dr Klei:
Das ka-n-i grad nitt recht versteh
Er hat verzählt: im heimegeh
Heb' er in Eim dr Arm schint's gà.
Dà heb' hingege doppelt g'sàh..

Fraü Grotehor (zum Klei):
Jetz mach, ass dü di Sach thüesch schriwe,
Ass d' Morn nitt in dr Schüel müesch bliwe!

Fraü Dings:
So, jetz ha-n-ich mi Strumpf üsg'macht,
I bi recht froh, denn 's wird scho Nacht,
Mr kännte jetz glaüb geh prawiere,
Ob uns o Ebber heim thüet fiehre!

Fraü Grotehor:
Fraü Dings, wenn Sie doch nur thàt schwige,
Wenn 's Kaffee eim in Kopf thàt stige,
So miesst me Sie, me derf's wohl sage,
Als nitt nur fiehre-n-awer trage!