Text:August Lustig/A. Lustig Sämtliche Werke: Band 1/Dr Wecker.

Wo mi Tante Labelüre
G'storwe-n-isch letschthi,
Isch ihr alte Weckerühre
Mi ganz Erbtheil gsi,
Doch thüet die mi Alter störe,
Drum schaü ich mich um,
Wem ich ka das Ding verehre,
Ass ich's ab bikumm,

Dert bim Schnider in sim Zimmer
Isch viel Arwet z'sàh,
Dà hat gar viel z'schaffe-n-immer,
Dem kännt ich se gà!...
Doch si Nochbere, si blunde,
B'schaüt er d'ganze Zit;
Dà hat scho si Wecker g'funde,
Miner nutzt ne nit.

Sàller Alt', wo dert thüet hüse,
Mit sim Schlangeblick,
Wüechert, ass es eim thüet grüse,
's Geld, das isch si Glick!
Klingle hört me's uf dr Gasse,
Immer zählt er no;
Dà hat dert in siner Kasse
O si Wecker scho.

Un dà Mode-Herr dert owe,
Wo kei Handwerk hat,
Wo vom Morge nur bis z'Owe
Stolz spaziert dur d'Stadt,
B'schisst dr Schüester un dr Bäcker
Nitt erst siter hit,
D'Schulde diene-n-ihm als Wecker,
Miner brücht er nitt.

Witer unte-n-isch 's Mariettle;
's hat kei Vater meh,
Trürig schloft's i in sim Bettle
Z'Nacht vor Leid un Weh.
Ohne Stütze-n-isch's dert àne,
's isch betriebt az'sàh,
Drum wà mir in sine Thràne
Jetz kei Wecker gà.

Nàwe dra, was git's dert numme?
Ah! ich merk's jetz scho!
's erste Kind isch dert akumme...
Drum die Freid jetz o.
Fir mi Wecker dert z'verehre
G'lustet mich nitt gross.
's isch scho einer jetz dert z'höre
Uf dr Müetter Schoos...

Jedermann schint's hat scho siner?
Ich glaüb jetz wahrhaft,
's wird ne Nieme welle, miner,
In dr Nochberschaft!

Doch so ha-n-ich's nitt verstande,
's isch e schlechter Spuck,
's beste-n-isch, ich bring dr Tante
Ihre Wecker z'ruck.