Text:August Lustig/A. Lustig Sämtliche Werke: Band 1/Dr Metzgerzug.

Dr Metzgerzug zieht hit verbi,
Se ziehn ins neüe Schlachthüs i
Mit Pfife-n-un mit Trumme;
's mien's ewe wisse-n-alle Lit,
Denn endlig isch jetz d'schöne Zit
Emol fir d'Metzger kumme!

E neü Local un rich garniert
Mit allem, was züem Fortschritt fiehrt,
Das isch grad nitt z'verachte!
's isch ewe doch e-n-Unterscheid,
In so me Schlachthüs isch's e Freid,
Dert isch's kummoder z'schlachte!

Un isch's kummoder, so isch's klar,
Ass sie o lief're-n-ihre Waar
Viel billiger in d'Kuche;
Wer wott denn nitt si Freid dra ha,
Ass endlig 's Fleisch jetz wird abschla
Un das gli d'nàchste Wuche!