Text:August Lustig/A. Lustig Sämtliche Werke: Band 1/Astronomie. (2)

Us der alemannische Wikipedia, der freie Dialäkt-Enzyklopedy
Astronomie.

414 - 415


Mr wànn hit vo de Sterne rede;
So wenig as me kennt dervo,
So weisst doch Jeder, ass d'Komete
Sich ziemlig selte sàh lehn do.
Se reise-n-ewe so wit umme,
Ass viel Johrhunderte ha mien,
Fir wieder züe dr Sunne z'kumme,
Wo sie derno umkreise thien,
Un so d'Planete-Bahn durziege;
Also nitt wit bi uns verbi,
Fir wieder z'ruck in d'Wite z'fliege,
Un so Johrhundert üs un i.

Ne so ein isch diemol ku z'fahre;
Zwe Astronome hàn druf g'wacht,
Die Lit sin Wunderfitz halt, wahre,
Wànn alles sàh, am Tag wie z'Nacht.
Gar schnell thüet ihr' Komet scho renne,
Doch thien se noch gar nit vernàh;
Dr letscht Planet, wo mir jetz kenne,
Dr « Neptün, » hàn se no nitt gsàh;
Un wie ne kleiner Sterne numme,
Wo Andre küm als Acht druf gàn,
Isch ihne d'Sunne-n-erst vorkumme,
Wenn sie mit blossem Aüg g'lüegt hàn.
Doch bol thien sie jetz observiere
Dr « Neptün » un dr « Üranüs »,
Un d'Sunne fangt sich a z'formiere,
Doch ziemlig klei noch sieht se-n-üs.
« Jetz geht's doch bol e wenig g'schwinder:
Dr « Satürn » kunnt mit sine Ring, »
So rieft dr Eint', « o d'Luft wird g'linder;
Schaü doch das sunderbare Ding!
Un dert kunnt jetz dr grösst vo Alle,
Dr « Jüpiter » in sin're Pracht:
Uf dàre Welt thàt's mir o g'falle,
Dert isch doch glichlig Tag un Nacht
Un glichlig warm durane-n-immnr;
Dert mag noch 's Lewe moöglig si.
Jetz kunnt im « Mars » si rother Schimmer
Un endlig d'Erde! schaü derthi,
Was fir e Welt, was fir e kleine,
Schier Wasser nur, das isch jetz schön:
Ne Iwerschwemmung wott me meine,
Wo drei, vier Insle-n-üse stehn!
Un thüesch dr Wàndelbaüm betrachte,
Wo alles das drum umme geht,
So wirsch wohrschinlig o glich achte,
Ass er schrägs gege d'Sunne steht.
Das isch vom « Jüpiter, » vom grosse,
Grad 's Gegetheil, drum ischs do halt
Uf dàre Welt, uf dàr famose,
Am gliche-n-Ort bol heiss, bol kalt,
Was awer Nieme wird geniere,
Vom Lewe druf isch gar kei Red;
Wer wott eso doch existiere,
Wenn alles schier im Wasser steht!
« Kasch Dü denn das so sicher sage, »
Meint jetz dr Andre, « isch das klar,
Ass sàlle Welt kei G'schöpf soll trage,
Isch unsre nitt o sunderbar?
Thien mir jetz nitt züer Sunne fliege,
Schiergar dri zoge dur ihr' Macht,
Fir nochher wieder üse z'ziege
Als in d'unendlig finstre Nacht?
Un doch thien mir se-n-üsestriche
Un meine-n-als noch wunder was... »
« Jà mir! das isch jetz nimmig 's Gliche! »
So rieft dr Erste stolz uf das.
« Jà mir! so känne sie o sage,
Wenn viellicht G'schöpfe dert druf sin; »
So sàit dr Zweite, « sie o trage
Im Kopf viellicht e stolzer Sinn!
Wer weisst, se thien am End gar meine
Sie un ihr' Welt sin einzig do,
Un ass es git sunscht niene keine,
Un sin se-n-uf dem Weg derno,
Ka d'Ibildung noch gar wit wandre:
Viellicht selbst unter sich sogar
Glaübt eins, 's isch besser druf as 's andre,
Vo andrem Teig as d'ganze Schaar!
Ich wott se noch gern rede höre
Vom Himmel, vo dr Sternepracht;
Die sin im Stand viellicht un schwöre,
Das seig express fir sie nur g'macht!
Das wàre Posse doch, wahrhafte!
Am End hat's gar als noch derbi,
Wo stolz sin mit so Wisseschafte
Un g'scheidt sich glaüwe owedri;
's ka ganz güet G'schöpfe ha jo, g'wisse,
Wo b'schaffe sin eso ung'fàhr:
Wie weniger as sie thien wisse,
Wie stolzer kämme se derher!
Natirlig isch's als grad derwege,
Wil se derno nie denke halt
An ihre kleine, schwache G'stalt!
Wenn's halt sott si, wie-n-ich's thüe b'schriwe,
So thien die alle g'wiss eso
Gar màngmoi als Dummheite triwe,
Wo mir kei Idee hàn dervo!
Doch sin das nur Süppositione,
Wer kennt si uf dàr Erde dert!
's wàr z'miserawel doch druf z'wohne,
Ne so ne Lewe wàr viel z'hart! »
« Uf jede Fall, ich sieh gar nieme, »
So fangt dr andre wieder a,
« Un doch ka sich mi Fernrohr riehme,
Bis dohi d'beste Gläser z'ha!
Sin G'schöpfe druf, so sin's gwiss blöde,
Die mien so wunzig si un klei,
Ass küm dervo dr Werth isch z'rede;
Drum ka's uns si ganz einerlei.
Doch find ich, 's wird jetz warm efange,
Ich zieh-n-emol mi Kittel üs!
Mr hàn kei Reis jetz meh, kei lange,
Bis züe dr Sunne; siehsch d' « Venüs »?
Mr lehn se jetz scho uf dr Site
Un immer schneller geht's druf los:
Scho kunnt dr « Merkür » in dr Wite
Un scho wird d'Sunne màchtig gross;
Drum umme geht's scho d'nàchste Tage
Mit unsrer grösste Schnelligkeit,
Un bol nochher lehn mir uns trage
Z'ruck wieder in d'Unendligkeit !