Text:August Lustig/A. Lustig Sämtliche Werke: Band 1/Am Ball.

Us der alemannische Wikipedia, der freie Dialäkt-Enzyklopedy
Am Ball.

168 - 169


Dr Veri hat am Pumpierball
Si Fraü letscht welle regaliere,
Wo d'vorne g'sesse-n-isch im Saal
Mit andre noch. Fir sie z'serviere
Schickt er e Garçon züe-n-'re fire;
Gehn, sàit er, bringe miner Fraü
Dà Grog; er zeigt un b'schribt se g'naü
Un blibt fir z'lüege bi dr Thüre.
Dr Garçon geht un hebt si Trank
Halt pràchtig in 're-n-Andre-n-ane,
Wo sitzt dert uf em gliche Bank.
Vergàwes thüet jetz, fir ne z'mahne,
Dr Veri 'hüeschte druf un druf,
's nutzt nit, nur d'Nochb're schaüe-n-uf;
Was isch, sàit Ein züe ihm, was hör i,
Hasch Dü dà Hüeschte vielmol als?
Ich müess doch hüeschte, sàit dr Veri,
Mi Grog kunnt in dr letze Hals!