Teus Hagen

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

De Teus Hagen (geb. 1945)[1] isch en Internet-Pionier us Holland.

Biographie[ändere | Quälltäxt bearbeite]

De Hagen hät im Computerlabor vom Mathematische Zäntrum agfange schaffe.[2] Später häd er ghulfe, di niederländischi und di europäischi Unix-Benutzergruppe NLUUG und EUUG (won später EURopen worden isch) z gründe. Er isch Vorsitzende vo de EUUG gsi und hät als säbne 1982 s European Unix Network (EUnet) als DFÜ-Dienst vo de EUUG gründet. S EUnet isch s erschti öffentlichi Breitbandnetz vo Europa gsi.[3]

An de Universität vo Berkeley hät er ab 1983 am TCP/IP-Protokoll gschaffet. De Daniel Karrenberg, won i sinere Gruppe gsi isch, häd de Pricht gschribe, won drufabe TCP/IP z Europa für die globali Vernetzig igfüert worden isch.[3]

Vo 1992 bi 2008 isch de Hagen Vorsitzende und Diräkter vo NLnet gsi, won dänn zum gröschte Internet Service Provider z Holland worden isch. NLnet finanziert freii Internetforschig und -entwicklig. Drum häd de Hagen ab 2004 au bi de gemeinschaftstribene Zertifizierigsstell CAcert mitgmacht, isch im Vorstand gsi und 2008 Presidänt.[2]

Uszeichnige und Ehrige[ändere | Quälltäxt bearbeite]

Hagen häd Uszeichnige übercho vo de NLUUG[4] und de Usenix für das won er für Open Source gmacht häd. 2013 isch er als «Global Connector» id Internet Hall of Fame ufgna worde.[3]

Weblinks[ändere | Quälltäxt bearbeite]

Einzelnachweise[ändere | Quälltäxt bearbeite]

  1. AUUG Inc.: AUUGN. AUUG, Inc., August 1987 (google.de [abgerufen am 14. Januar 2019]).
  2. 2,0 2,1 NLnet, People, Teus Hagen
  3. 3,0 3,1 3,2 Internet Hall of fames, Inductees: Teus Hagen
  4. NLUUG