Telematiker

Telematiker isch i de Schwiz e Bezeichnig für e Gruppe vo Bruef.

Tätigkeit[ändere | Quälltäxt bearbeite]

Telematiker plane Telekommunikations- und Informatiknetzwärk und sind für d Störungsbehebig verantwortlich. Au s Yrichte vo Computerarbetspläts und s Ufsetze vo Server ka dezu gehöre. Die Netzwerk und Kommunikationsirichtge könne debi drahtbunde oder drahtlos sie.

Au s Yzieh vo Kabel, Dröht und UKV, gehöre zu ihrem Arbeitsgebiet, wenn au nit zu de Haupttätigkeite.

Da funktionierendie Netzwerk e wichtige Pfieler vo de hütige Zit sind, gehöre Nacht- und Wucheändisätz zum Bruef.

Arbeitgeber sind Telematikfirme und Elektroinstallationsfirme mit ere Telematikabteilig.

Vorussetzige[ändere | Quälltäxt bearbeite]

Für d Lehre als Telematiker wärde gueti Note im Fach Mathematik vorusgsetzt. Schüler, mit eme Sekundarschulabschluss vo de oberste Stuefe, werde bevorzugt. Da Telematiker eng mit de Kunde zämmeschaffe, sind e gute Kundekontakt, bzw. Aufgschlosseheit und gueti Umgangsforme, Vorussetzig.

Ausbildig[ändere | Quälltäxt bearbeite]

Telematiker EFZ[ändere | Quälltäxt bearbeite]

Telematiker EFZ isch in dr Schwiz e Lehrberuf.

D Usbildung goht 4 Johr. Die drü Usbildigsort sind Betrieb, Bruefsfachschuel und dr Überbetrieblichi Kurs.

D Vorusetzig isch die abgschlosseni Volksschuel, in der Regel uf der oberste Stuefe.

Zur Usbildig gört au e mindeschtens drümonatigs Elektroinstallations-Praktikum.

Bi sehr guete schulische Leistige ka während de Grundbildig die Berufsmaturitätsschuel bsucht werde.

Telematik-Projektleiter[ändere | Quälltäxt bearbeite]

De nächschti Karriereschritt isch die Bruefsprüefig zum Telematik-Projektleiter mit eidg. Fachuswis.

D Voraussetzige sind einschlägigi beruflichi Grundusbildig, de Berufsbildnerkurs, 2 Johr Brufspraxis im Fäld Telematik sowie sbestoh vonere Prüefig in Elektronik und Telematik.

Diplomierte Telematiker[ändere | Quälltäxt bearbeite]

Die Prüefig zum diplomierte Telematiker isch e höheri Fachprüefig. Vorussätzig für die Prüefig isch de eidg. Fachuswis als Telematik-Projektleiter, sowie die bestandeni Prüefig in de Fächer Betriebswirtschaft, Unternähmentführig und Marketing.

Witerbildigsmöglichkeite[ändere | Quälltäxt bearbeite]

In dr Schwiz:

Verkürzti Ausbildig in Verwandte Beruef
- Elektroinstallateur
- Elektroplaner
Bruefsprüefig
- Elektro-Projektleiter
- Elektro-Sicherheitsberoter
- Telematik-Projektleiter
höheri Fachprüefig
- dipl. Elektroinstallateur
- dipl. Elektroplaner
- dipl. Telematiker/in
Studium
- Techniker HF
- Ingenieur FH (Berufsmatura oder bestandeni Ufnahmeprüefig vorusgsetzt)

Verwandti Bruef[ändere | Quälltäxt bearbeite]

IT-Systemelektroniker (Deutschland und Österreich)
Elektroinstallateur
Elektroplaner
Informatiker
Elektroniker

Weblinks[ändere | Quälltäxt bearbeite]

Telematiker EFZ:

Kurzinfo Telematiker/in EFZ, berufsberatung.ch
Berufsbild Telematiker/in EFZ, Elektro-Bildungs-Zentrum
Telematiker/In, Staatssekretariat für Bildig, Forschig und Innovation SBFI

Telematik-Projektleiter:

dipl. Telematiker