Tadsch Mahal

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dr Tadsch Mahal (2010)

Dr Tadsch Mahal (änglisch: Taj Mahal, Perso-Arabisch: تاج محل‎ / Devanagari: ताजमहल tāj mahal, „Chrone vom Ort“ bzw. „Chrone-Balast“) isch e Mausoleum (Grabmoschee) z Agra im indische Bundesstaat Uttar Pradesh. S Geböid isch 58 Meter hooch und 56 Meter bräit und stoot uf ere 100 × 100 Meter groosse Blatform us Marmor. Dr Groossmogul Schaa Dschahan het s zum Aadänke an sini groossi Liebi Mumtaz Mahal (Arjumand Bano Begum) lo baue, wo im Joor 1631 gstorbe isch.

Dr Tadsch Mahal isch 1983 in d Liste vom UNESCO-Wältkulturerb ufgnoo worde. Er gältet wäge dr Harmonii vo sine Broporzione as äins vo de schönste und bedütendste Bischbil vom Mogulstil. Dr Rabindranath Tagore het en in äim vo sine Gedicht as „e Drääne uf dr Backe vo dr Zit“ beschriibe.

Dr Tadsch Mahal isch immer non e Moschee, wo Muslim chömme cho bäte. Er isch e beliebts Ziil vo früsch verhürootete indische Bäärli, wo hoffe, ass dr Bsuech iiri Liebi wurd sterke. Im Joor 2015 si öbbe 3 Millione Turiste dr Tadsch Mahal cho bschaue.[1][2]

Litratuur[ändere | Quälltäxt bearbeite]

  • W. E. Begley (Hg.): Taj Mahal. The Illumined Tomb. The Aga Khan Programm for Islamic Architecture, Harvard University and Massachusetts Institute of Technology Cambridge, Mass., 1989, ISBN 0-295-96944-X
  • Neil Parkyn: Siebzig Wunderwerke der Architektur. Frederking & Thaler Verlag GmbH, Münche 2006, ISBN 3-89405-536-7

Weblingg[ändere | Quälltäxt bearbeite]

 Commons: Tadsch Mahal – Sammlig vo Multimediadateie

Fuessnoote[ändere | Quälltäxt bearbeite]

  1. UNESCO date =2002: Periodic Reporting Exercise On The Application Of The World Heritage Convention. UNESCO. Abgrüeft am 7. Februar 2015.
  2. Business Standard. Abgrüeft am May 11, 2015.