Sylvie Rohrer

D Sylvie Rohrer (* 14. Merz 1968 z Bärn) isch e Schwyzer Schauspiileri.

Lääbe

D Rohrer het no dr Matura zerscht e Uusbildig zu Schefsekreteri gmacht un anne 1988 mit em Diplom abgschlosse.

No isch si an d SchauspiIlakademy Züri un het dert d Schauspiiluusbildig anne 1991 mit em Diplom abgschlosse. Im nämlige Johr het si ne Engaschmänt an dr Landesbihni Nidersache z Wilhelmshaven iberchuu, wu si unter anderem d Gudula in Der Rattenfänger vum Carl Zuckmayer gspiilt het. Im Johr druf, 1992, het si am Schauspiilhuus Züri d Sophie Tuckerman in Herbstgarten vu dr Lillian Hellmanns (Reschy: Gerd Böckmann) un s Lotterymaidli in Der Oger vu dr Veza Canetti (Reschy Werner Düggelin) gspiilt.

Vu 1992 bis 1995 isch si Mitgliid vun Ensemble vum Theater Dortmund gsii, wu si unter anderem d Ida in Lauf doch nicht immer weg! vum Philip King, d Hanna Graetz in März, ein Künstlerleben vum Heinar Kipphardt, s Gretchen in s Goethes Faust I (Reschy allmol dr Jens Pesel), d Pegleg in The Black Rider vu Wilson/Waits/Burroughs (Reschy: Michael Simon) un d Helena in s Shakespeares Ein Sommernachtstraum (Reschy: Sewan Latchinian) gspiilt het. Fir iri Roll in The Black Rider isch si 1995 in dr Kritikerumfroog vu dr Zytschrift Theater heute zur „Noowugsschauspiileri vum Johr“ gwehlt wore.

Vu 1995 bis 1999 isch si Mitgliid im Ensemble vum Thalia-Theater Hamburg gsii. Dert het si unter anderem d Eglé in Der Streit vum Marivaux (Reschy: Sven-Eric Bechtolf, fir die Roll isch si 1996 wider in dr Kritikerumfroog vu dr Zytschrift Theater heute zur „Noowugsschauspiileri vum Johr“ gwehlt wore), d Klara in Maria Magdalena vum Friedrich Hebbel (Reschy: Amélie Niermeyer), d Helena in s Shakespeares Mitsommernachtstraum (Reschy: Jens-Daniel Herzog), d Titelroll in Antigone vum Sophokles in dr Bearbeitig vum Hölderlin, d Mariane in s Molières Tartuffe (Reschy allmol dr Jürgen Flimm), d Chimène in Der Cid vum Pierre Corneille (Reschy: Niels-Peter Rudolph), d Marianne in Geschichten aus dem Wiener Wald vum Ödön von Horváth (Reschy: Martin Kušej) un d Porzia in s Shakespeares Der Kaufmann von Venedig (Reschy: Jens-Daniel Herzog) gspiilt.

Anne 1996 het si im Chunschtmuseum Bonn e Performance mit em Titel Die Verzweiflung der Kornblume zaigt (Reschy: Michael Simon, Musik: Achim Kubinsky). Syter anne 1999 gheert d Rohrer zum Ensemble vum Burgtheater Wien, wu si unter anderem d Rottin in Glaube und Heimat vum Karl Schönherr (Reschy: Martin Kušej) gspiilt het.

Zwische 2001 un 2013 het si, yyglaade vum Claus Peymann, am Berliner Ensemble gaschtiert, deert het si anne 2001 d Isabella in s Shakespeares Maß für Maß (Reschy: Claus Peymann) gspiilt, in speetere Johr het si dert in Stuck vum Botho Strauß, vum Peter Handke un andere gspiilt.

Dernääbe het si Gaschtverdreeg an dr Salzburger Feschtspiil (King Arthur, Phädra) un am Schauspiilhuus Züri ghaa un au in Film in Fäärnsee het si verschiideni Rolle gspiilt.

Kunzärt

• 1999–2001: „Perséphone“ (Igor Strawinsky/André Gide)
• 2011–2012: „Jeanne d’Arc au bûcher“ (Arthur Honegger/Paul Claudel)
• 2000–2017: „Pierrot Lunaire“ (Arnold Schönberg/Albert Giraud)

Filmografy

• 1993: Tatort – Herrenboxer (Fäärnsehfilm)
• 2001: Weihnachten (Fäärnsehfilm)
• 2002: Geld macht sexy (Fäärnsehfilm)
• 2003: Piff, Paff, Puff (Fäärnsehfilm)
• 2005: Undercover
• 2009: Domaine
• 2011: Mörderisches Wespennest (Fäärnsehfilm)
• 2013: Inside Wikileaks
• 2014: Upload (Fernsehfilm)
• 2015: Tatort – Kleine Prinzen (Fäärnsehfilm)
• 2018: Der Läufer
• 2020: Frieden (Fäärnsehserie)
• 2022: Der Barcelona-Krimi: Der längste Tag (Fäärnsehserie)

Uuszaichnige

• 1995: Theater heute Noowugsschauspiileri vum Johr fir Pegleg in „The Black Rider“
• 1996: Theater heute Noowugsschauspiileri vum Johr fir Eglé in „Der Streit“
• 1996: Boy-Gobert-Bryys vu dr Körber-Stiftig Hamburg
• 2002: Nestroy-Nominierig fir „Der Narr und seine Frau heute Abend in Pancommedia“
• 2007: Nestroy-Theaterbryys as Beschti Schauspiileri fir Medea un „Über Tiere“
• 2008: International Theater Festival Rijeka, Beschti Hauptdarstelleri (Medea)
• 2019: ORF Heerspiilbryys – Schauspiileri vum Johr 2018

Inszenierige

• 2010: „Was Ihr wollt“ (Schlosstheater Schönbrunn/Reinhardseminar)
• 2011: „Othello“ (Shakespearefestspiele Rosenburg)

Heerspiil

• 2016: „Medea“ (ORF, Hörspiel des Jahres)
• 2018: „Weil immer das Meer vor der Liebe ist.“ Elegie für und nach Hertha Kräftner

Tondreeger

• 2009: „Über Tiere“ (Christoph Merian Verlag)
• 2011: „Jeanne d’Arc au bûcher“, Dirigent: Helmuth Rilling (Hänssler Classic)

Literatur

• Jutdith Niethammer: Sylvie Rohrer. In: Andreas Kotte (Hrsg.): Theaterlexikon der Schweiz. Band 3. Chronos, Zürich 2005, ISBN 3-0340-0715-9, S. 1516.

Weblink

• Sylvie Rohrer in dr Internet Movie Database