Summerlied

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Logo vum Festival Summerlied
Dialäkt: Elsassisch

S Summerlied isch e Lieder- un Dànzfestival, wie àll zwei Johr ìm Auigscht z Ohlunge stàttfìndt. Züe dere Animation kumme Liedermàcher, Songwriter, Kàbàretischte un Kinschtler üs em gànze Elsàss un àndre Regione vun Frànkrich oder Europa. S ìsch s grescht Liederfestival ìm Elsàss un hite e feschter Draffpunkt vun dr elsassische Müsiker ìm Johr.

Gschìcht[ändere | Quälltäxt bearbeite]

S erscht Summerlied-Festival ìsch ànne 1997 gsin, s zweit ìm Johr 1998 un àb do ìsch s drno àll zwei Johr gsin: 2000, 2002, 2004, 2006, 2008, 2010, 2012, 2014, 2016. S nechscht Summerlied ìsch ìm Auigscht 2018.

Àm Ànfang ìsch s e Festival fìr elsassischi Lieder gsin, ìm Lauif vun dr Johre ìsch àwer aui àll meh tràditionelle Müsik vun Regione üs gànz Europa un aui üs dr gànze Walt drzüe kumme, vor àllem Müsik, wie Ìn àndre frànzesche Regione gspìlt wurd oder mìt Inwànderer üs dr gànze Walt no Frànkrich kumme ìsch.

Verànstaltunge[ändere | Quälltäxt bearbeite]

Uf vier Bihne fìnde d Ufdrìtt vun dr Müsiker stàtt:

  • Lìchtung (scène de la Clairière)
  • Waldrand (scène de la Lisière)
  • Kabarett ìm Fald (Cabaret des Champs)
  • Waldbìhne (scène de la Forêt).

E Animation, wie rund ums Summerlied-Festival organisiert wurd, ìsch s Bàbbeldorf, e Dorf vun dr Sproch:

  • Dr Marleblàtz (l'espace contes)
  • Dr Palaverbauim (Arbre à Palabres)
  • Dr Wìtzbrunne (puits à blagues)
  • D'Patrick-Peter-Dìchtungseck (l'espace poésie Patrick Peter)
  • D'Sprochstubb: „Ìn d Sprochstub kùmme àlli, Klëëni ùn Groossi, fer spiele, lehre ùn entdecke mìt de elsassische Sprooch. D Stùb wùrd vùm Verëën Alsace - Jùnge fers Elsassische ànimiert. Ùffem Progràmm stehn : Elsassisch-Ùnterrìchte, Marle, Kìnderliedle, Gràfie vùm Elsassische, Spieler, Quizz ... Mr kànn scheeni Gschànkle gewìnne!“
  • D'Akadémie/Schwatzapéritif

Im Summerlied-Dorf fìndt mr kline Gschaftla un Stand vun Organisatione un Institutione.

Pàrtner[ändere | Quälltäxt bearbeite]

Pàrtner vum Festival Summerlied, wie mithalfe bi dr Finànzierung un dr Orgànisation, sin d Région Alsace, dr Conseil Général Bas-Rhin, s elsassisch Sprochamt (OLCA), d Mairie Schwaighüse, d Sivom de Schweighouse et Environs, d Direction régionale des Affaires Culturelles Alsace (DRAC) un e Hüffe àndere Institütione. D Europäische Union ferdert s Summerlied ìwer s Progràmm Pamina.

Üszeichnunge[ändere | Quälltäxt bearbeite]

Àm 21. Oktober 2006 hàt s Festival Summerlied vum Institut des Arts et Traditions populaires d’Alsace d Goldene Bretzel (le Bretzel d’Or) fìr sine Bitràà àn dr Üstràhlung vun dr regionàle Kültur bikumme.

Zitàt[ändere | Quälltäxt bearbeite]

„Elsasser sin! In Ohlunge hann alli Gelajeheit sich fer unseri Sproch un unseri Kültür inzesetze un met offene Ohre un offenem Herz anderi ze empfange!“

Jacques Schleef, Leiter

Weblink[ändere | Quälltäxt bearbeite]