Staatsobligazioone

Us der alemannische Wikipedia, der freie Dialäkt-Enzyklopedy

Staatsobligazioone si churz-, middel- oder langfristigi Wärtbabbiir, wo Zinse drääge (Schuldverschriibige), wo vo dr öffentlige Hand und andere staatlige Körperschafte uusegee wärde. Dr Staat oder anderi staatligi Körperschafte si also dr Emittänt vo de Staatobligazioone. Die, wo sonigi Babbiir chaufe, leene eso „em Staat“ Gäld und brofitiere vo de Zinse. Staatsobligazioone si im Vergliich zu andere Schuldverschriibige relatiiv sicher, aber au bi iine git s e Risiko, ass d Zinse oder s Kapital nid uszaalt wärde, sig s nume zum e Däil oder vollständig. Wenn s zum Bischbil zum ene Staatsbankrott chunnt, wärde alli Zaalige vo Zins und Ruckzaalige vom Kapital vo Staatsobligazioone iigstellt.

Es git Reitingsagentuure wie Standard & Poor’s, Moody's oder Fitch, wo sonigi Risiko bewärte. Es het sich aber in dr Finanzkriise, wo 2007 usbroche isch, zäigt, ass mä sich uf deene iiri Iischetzige nid allzuseer sött verloo. D Bonitäät, wo si berächne, cha aber äinewääg groosse Iifluss ha uf d Zinse, won e Staat muess zaale, für zum Chöifer für sini Obligazioone finde.

Litratuur[ändere | Quälltäxt bearbeite]

  • Wolfgang Uchatius: Es begann in Italien. Über die Erfindung der Staatsanleihe. In: Die Zeit, 25. August 2011, Seite 18.

Weblingg[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Staatsanleihe“ vu de dütsche Wikipedia. E Liste vu de Autore un Versione isch do z finde.