Spruch:Wilhelm Unseld/Schwäbische Sprichwörter/Trinken und Verwandtes

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Wilhelm Unseld: Schwäbische Sprichwörter und Redensarten

gesammelt in Stuttgart = S, Tübingen = T, Ulm = U und Blaubeuren = B


Trinken und Verwandtes

1) So sauf d'r d' Gurgel no voll a'. U.

2) Dear mag weiters au' nex trinka. U.

3) Dear ischt net dumm, d' Brüah dürftet mir saufa, und er hätt d' Brocka. U.

4) Komm m'r teant a bisle Gottg'segnes. U.

5) Trinkscht noh en Schoppa? In deane Hosa nemme. U.

6) Dear Wei' lauft wia Öl na. S.

7) Dear hat äll Tag oin Rausch. U.

8) Dear kommt aus'm Rausch gar nemme raus. U.

9) I moi', dea' häb's. U.

10) Dear mag's Biar au' net! U. (Ironisch.)

11) Ällamol vor ma goht, hot ma noh oin ghät. S.

12) Guat fressa und guat saufa möchtet d' Leut wohl, aber nex schaffa. U.

13) Dear hat au' Pech an de Hosa. U.

14) Des ischt a reacht'r Hock'r. U.

15) Dear ka' wohl ebas hintere tua'. U.

16) Dear schütt' nex in d' Schtief'l. U.

17) Wenn dear amaul hocket, nau bringt ma'n nemme fort. U.

18) Deam krachet d' Schtiefel, dear hat am Schuahmacher koi' Trinkgeld gea! TJ.

19) Dear hat en Rausch im G'sicht, wia a Haus. U.

20) Dear sauft net no, dear frißt au' d'rzua. T.

21) Des ischt a reacht'r Biarludle. T.

22) Saufet bigott! 's ischt a Pescht! T.

23) Wenn du net wärscht, und's täglich Brod, no müaßt ma d' Suppa trinka. T.

24) Ema B'soffena gat a Heuwag us 'm Weag. U.

25) Dear Wei' ischt net schleacht, dear schmeckt noch noh maih. S.

26) Mit ema Schoppa isch gar net a'g'fanga. S.

27) Dea' Wei' schpürt ma bis in kloina Zaiha na. U.

28) Narr, sauf was d' vertraga ka'scht U.

29) Dear sauft, bis oba raus lauft. U.

30) Dia fresset und saufet ällaweil gefürnei'. U.

31) Dear hat au' z' tuif in's Gläsle gucket. U.

32) Essa und Trinka hält Leib und Seel z'säma. U.

33) D'r airscht Schluck ischt d'r bescht! U.

34) Schpüalwasser löscht au' da Du'scht. U.

35) Ma ka' net maih tua, als gnuag essa-n-und trinka. U.

36) Dear ischt au' bei keim Pfuscher in d' Lehr ganga. U. (Ein flotter Trinker.)

37) Dear denkt da ganza Tag an nex, wia an's Fressa und Saufa. U.

38) Dear lauft ällaweil in oim Dampf rum. U.

39) I hau' Du'scht, daß e nemme zua de Auga raus sieh! U.

40) Des ischt a reacht'r Kleaba'. U.

41) Dear sauft im hella U'verschta'd. U.

42) Dear sauft se da Kraga vollends a. U.

43) Dear hat d' Leab'r auf d'r Somm'rseita. U. (Trinkt gern.)

44) Beim Essa und Trinka ischt dear net links, ü.

45) Beim Essa und Trinka schtellt dear sein Ma'. U.

46) Dear sauft, wia a Roig'l. T. (Roig'l = Mitglied der Königsgesellschaft.)

47) Dear sauft für bassleta'. U. (passe le temps, Zeitverla^eib.)

48) I will d's bringa! U. (Zutrinken.)

49) Dear dudlet in oimfort. T.

50) Yom viela Saufa schwätzt ma ällaweil, aber net vom viela Du'scht. S.

51) Dear ka' scho' gott'släschterlich saufa. S.

52) Dear mag wohl au' lupfa. S.

53) Dear schöpplet au' geara. S.

54) Dear ischt schtierb'soffa. U.

55) Des ischt a stiffigs Wei'le. S.

56) Des ischt a reacht'r Süff'l. S.

57) Sürfle no net so, ma moi't ja, 's hock a Sau am Tisch. U.

58) Jetzt ischt 'r vergraba, jetzt müasset m'r 'n au' beweina. U.

59) Dear mag da Wei' au' net, das sieht ma seiner Näs a'. U.

60) Zipfale no net so dra' rum, und nimm en reachta Schluck! U.

61) Äll mei' Silber, äll mei' Gold, ischt m'r 's Gürgale abe g'rollt T.

62) Wenn oim no 's Essa und 's Trinka schmeckt! U.

63) Dear mag au' geara becherla. U.

64) Des ischt a wandelnd's Wei- (Biar-) Fäßle. U.

65) Des ischt a ganz versoffener Zapf. U.

66) Dear hot en versoffana Äpf'l. S.

67) Im Rausch darf ma oim nex üb'l nemma. U.

68) Do müßt i Tinta g'soffa hau'! S.

69) Dear hat da Verschta'd radikal versoffa. U.

70) Dear hat koi' schleachta Ruf na' g'soffa. U.

71) Dear ischt schei't's net g'eicht. U.

72) 's Wasser ischt so naß, des mag i net. S.

73) I hau' Du'scht wia a Fisch. S.

74) Dear sauft, bis 'm Binsa im Arsch wachset. U.

75) Dear hat au' schief g'lada. U.

76) Glücklich ischt, wear verfrißt, was net zum versaufa-n-ischt. U.

77) Dear hat scho' ebas dur' d' Gurg'l g'jagt. U.

78) Dear ischt kanonavoll. T.

79) Dear bürschtet net schlecht. T.

80) Dear sauft wia a Bürschtabinder. U.

81) Dear muaß Kundasaufa. S.

82) Dear hot koi' schleachts Kupf'rbergwerk im G'sicht. S.

83) Dear wird gar nemme nüachtern. U.

84) Dear hat koin schlechta Sarraß. U.

85) Dear schaffet heu't net, dear bloset. S.

86) Dear hot 'n Schpitz. S.

87) Dear hat 'n Schtorax. U.

88) Des ischt a reacht'r Lumpaze. U.

89) Dear ischt a Lump, und bleibt a Lump, und wird als Lump vergraba. U.

90) Dear hot koin schleachta Dampf. S.

91) Des ischt a versoffes Loch. S.

92) Dear hot koin schleachta Zopf. S.

93) Dear hot koin übla Brand. T.

94) Dear hat heut a schweara Zung. U.

95) Dear hat koin schleachta Balla. U.

96) Dear hot koi' schleachta Latta. S.

97) Dear hat koin übla Yanko. U.

98) Dear hot koin dumma Hoorbeut'l. S.

99) Herrgott! I be' ganz verlechnet! U.

100) Des Biar schmeckt heut wia Arznei. U.

101) Dia hänt dea' net schleacht aufzwickt. U. (Der mußte beim Trinken bezahlen.)

102) Liaber da Darm im Leib verschränkt, als am Wirt en Tropfa geschenkt. U.

103) Dear nimmt glei' a Kuahmaul voll. U.

104) Dear hat au' seine beschte Zug im Hals. U.

105) I hau' scho' en läschterlicha Du'scht ü.

106) I glaub, dea' hat's. U.

107) Freu de Gurgel, 's kommt a Platzreag. T.

108) Vom Netessa und Nettrinka kriagt ma koin so en Ranza. U.

109) Dear weißt, wo Bartle da Moscht holet S.

110) Des ischt a reacht'r Moschtkopf. T.

111) Dear hot dea' net schleacht ei'g'soift. S.

112) Trink Wasser, des geit blaue Därm und helle Auga. U.

113) Des Biar ischt d'r rei'scht Märasoich. U.

114) Dear hot koin schleachta Zungaschlag. S.

115) Deam ischt d'r Wei' in Kopf g'schtiega. S.

116) Dear sauft se noh da Hals a. U.

117) Dear hängt d' Zung raus vor Du'scht. U.

118) Der hat sei' ganz Vermögale dur' d' Gurgel g'jagt. U.

119) Des ischt a reacht'r Saufaus. S.

120) Dea' Wei' schpürt ma in alle Äderla. U.

121) Dear hat sei' Sächle. U.

122) Dear hot a bisle z' tuif ins Gläsle gucket. S.

123) Deam schteigt d'r Wei' ins Hiara. U.

124) Deam muaß ma d' Gurg'l schmiara. U.

125) Wenn dear no sein Kraga fülla ka'. U.

126) I hau' scho' en sündlicha Du'scht. S.

127) Hascht Hunger, nau schlupf in a Gugumer, hascht Du'scht, nau schlupf in a Wu'scht U.

128) Der sauft se noh z' taud. U.

129) Hoe Rausch! Schpei gauh'! U.

130) Aus deam schwätzt d'r Wei'. U.

131) Dear hat fescht g'lada. U.

132) Dear hat schief g'lada. U.

133) Dia bürschtet net schleacht T.

134) Dear dudlet oin Schoppa um da-n-andera. S.

135) Des ischt scho' a Vivatslump. U.

136) No en guata Grund lega, daß ma au' trinka ka'. U.

137) Dear hat a Fäßle g'wichst. U.

138) Bei deam schlächt au' 's Essa und Trinka-n-a'. U.

139) Dear hat scho' en Schternhag'lrausch. U.

140) Do kommet zwoi, und bringet oin. S.

141) Dear hot über d' Schnur g'haua. S.

142) No keine Schtumpa schtauh' lau', ma fällt so'scht d'rüber. U.

143) Dear bleibt a ma jeda Wirtshaus hanga. U.

144) Des macht se, wia's Kroanawirts Sechser, und dear ischt sau'r wor'a. B.

145) Wear schnupft, dear lupft, dear ischt a Sau, und tuat wia a Sau. B.

146) I hau' scho' en mordalischa Du'scht. U.

147) Deine Schtief'l haut schei't's Du'scht. U. (Sind zerrissen.)

148) I hau' en Katzajammer wia a Haus. U.

149) I möcht a Gläsle Wuppdich. U. (Branntwein.)

150) Dear hat koin dumma Fahna. U.

151) Dear hot kein schlachta Brand. S.

152) Dear hat scho' en Baurarausch. U.

153) Dear hat en Dapps. U.

154) Dear hot koin schleachta Dampes. S.

155) Dear hat kein übla Dus'l. U.

156) Dear ischt ä bißle müad im G'sicht. U.

157) Wo hat denn dear sein Rausch scho' z'sämmaklaubet? U.

158) Imm'der noh oin! T.

159) Dear bleibt an ema jeda Eck hanga. U.

160) Dear gat in d' Kirch, wo ma mit de Schoppagläser z'sämmaläut'. U.

161) Dear sauft, wia a Loch. T.

162) Dear sauft, wia a Kuah. U.

163) Dear hat scho' a ganz Heuretguat versoffa. U.

164) Dear hot en Saurausch. S.

165) Dear hot au' en Schtich. S.

166) Des Glas ischt g'supft voll. U.

167) Dear hot de reacht Bettschwere. S.

168) Dear hat schei't's 's Ölkrüagle. U.

169) Dear hat Hab und Guat versoffa. U.

170) Dear hat en Bombarausch. U.

171) Dear ischt g'haglet voll'. U.

172) Dear hat sei' Debetat U.

173) O ihr liabe Kirbegäscht, dohinta bleiba, ischt's ällerbescht. B.

174) Älles kommt uf Donnschtetta, aber z'letschta. B.

175) Dear hat koin schleachta Dulo'. U.

176) Gauh m'r, oder hau m'r? U. (Sollen wir noch mehr trinken, oder gehen wir?)

177) Wasser ischt nex für d' Schtiefel. U.

178) Dear hat därfa 's Bad austrinka. U.

179) Ma moi't, dear sei dur' na hohl. U.

180) A Mooß ischt a Schäferbudel. B.

181) Dar ischt heut au' abbrennt. U.

182) Des ischt no so a Heckabeerleswirtschaft. S.

Quelle[Quälltäxt bearbeite]