Spruch:Wilhelm Unseld/Schwäbische Sprichwörter/Die Nase
Wilhelm Unseld: Schwäbische Sprichwörter und Redensarten
gesammelt in Stuttgart = S, Tübingen = T, Ulm = U und Blaubeuren = B
Die Nase
1) Dear hot a Habichtsnäs. S.
2) Mi' beißt d' Näs, i wer' heut noh falsch. U.
3) Dear führt dea' an d'r Näs rum. U.
4) Grad aus, d'r Näs noch! S.
5) Dear muaß sei' Näs in ällem drinn hau'. T.
6) Dear hot koi' schleachta Näs kriagt. S.
7) So, schneuz de, daß d' au' g'siehscht! U.
8) Guck, du übernuisch, 's muaß wauhr sei. U. (Überniesen.)
9) Des koscht a Nasawasser. S.
10) Miar lauft d' Näs, wia so a Schleiferkübele. U.
11) Dear soll se no an d'r oigena Näs nemma. U.
12) Des ischt deam d' Näs naufg'schtiega. U.
13) Dear trait d' Näs hauh. U.
14) Dear soll no nauflanga, ob er net sel' a Näs hot. S.
15) Dear ziaht d' Näs anderscht nauf. U.
16) Mach en Knopf an d' Näs, daß 's net vergischt. U.
17) Ma ka' de Leut net alles auf d' Näs binda, se saget oim au' net älles. U.
18) Dear hat desmaul a g'scheuta Näs g'hät. U.
19) Des ischt noh a reachta Botznäs! U.
20) Dear hat schei't's a Hundsnäs. U.
21) Dau hat ma gnuag an era Näs voll! U.(Bei üblem Geruch.)
22) Dear ischt schei't's auf d'r Näs g'loffa. U.
23) Des hau' - n - i deam unter d' Näs g'rieba. U. (Die Meinung gesagt)
24) Du schuibscht ja 's Sach unter d'r Näs nei'. U.
25) Dear hot desmol a feina Näs g'hät. S.
26) Dear ziaht deam d' Würm aus d'r Näs. S.
27) Des schticht m'r in d' Näs. U.
28) Des hoscht jo vor d'r Näs dra'. S.
29) Deam muaß ma no d' Näs d'rauf na'schtaußa, nau glaubt'r's. U.
30) Dear schlächt oim d' Tür vor d'r Näs zua. S.
31) Do hot's a langa Näs g'setzt. S.
32) Dear macht deam a langa Näs. U.
33) Des Ding hot a wächserna Näs. S.
34) Dear hot koi' schlecht's Kupferbergwerk im G'sicht. T.
35) Dear hot koin schleachta Zinka. S.
36) Dear hat a Mopsnäs. U.
37) Dear hat a reachta Rammsnäs. U.
38) Dear hat en feina Schmecker. U.
39) Jetzt dau schtünd m'r d' Näs scho' haiher. U.
40) Der schwätzt deam unter d'r Näs nauf. U. (Schmeichelt.)
41) Dear hat därfa mit era langa Näs a'ziaha. U.
42) Dear hot deam a Näs dreht S.