Spruch:Wilhelm Unseld/Schwäbische Sprichwörter/Die Füße

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Wilhelm Unseld: Schwäbische Sprichwörter und Redensarten

gesammelt in Stuttgart = S, Tübingen = T, Ulm = U und Blaubeuren = B


Die Füße.

1) Dear lauft se d' Füaß noh raus. U.

2) Dear ka' net schleacht fuaßla. U.

3) Dear nimmt da Weag unter d' Füaß. U.

4) Des ischt a katholischa Arbet, do muaß ma knuila. U.

5) Dui hot Wada, ma moi't se sei in a Schpundloch treta. S.

6) Dear hot da Kniaschnapper. S.

7) Des ischt a Leichtfuaß. U.

8) Ällamol hänt d' Gä's au' Wada. T.

9) Gang m'r mit deine Hundswada. U.

10) Dear ischt schei't's heut mit'm letza Fuaß zum Bett raus. U. (Wenn einer verdrießlich ist.)

11) Des tuat oim wohl bis in kleina Zaiha. U.

12) Dear ischt guat z' Fuaß. S.

13) Des ka' ma net über's Knui a'brecha. U.

14) Dear schtoht auf oigane Füaß. S.

15) Do schtoht ma mit oim Fuaß im Zuchthaus. S.

16) Dui hat a paar feschte Schtotza. U.

17) Dear hot's im graußa Zaiha. U. (Das Zipperlein.)

18) Dia fuaßlet mitanander. S.

19) I gib koin Fuaß broit noch. S.

20) Wenn d'r Bau'r net muaß, regt'r weder Ha'd noh Fuaß. U.

21) Des hat doch au' Ha'd und Fuaß. U.

22) Dear regt weder Ha'd noh Fuaß. U.

23) Dear wehrt se mit Händ und Füaß d'rgega. U.

24) Dea' hau'-n-i von Kopf bis Fuaß nui kloida därfa. U.

25) Dia leabet auf graußem Fuaß. S.

36) Dear ischt mit ebene Füaß drei' g'schprunga. U.

27) Dear ischt wieder auf freiem Fuaß. S.

28) Mi' hat koi' Fuaß maih traga, so be'-n-i verschrocka. U.

29) I gang d'rvo', soweit me d' Füaß traget. U.

30) Dui ischt mit oim Fuaß scho' im Grab gwea'. U.

31) Dear schteckt d' Füaß noh unter's Vater Tisch, U. (Ist unmündig.)

32) Gelt, dear hot d'r Füaß g'macht! S.

33) Des schtoht auf schwache Füaß. S.

34) I komm auf'm Fuaß nauch. U.

35) Dear tritt sei' Glück mit Füaß. S.

86) Hoscht koi' Ruah in deine Füaß, ma moi't da seiescht a Weab'r. U.

37) I bring koin Fuaß maih über deam sei' Schwell. U.

38) Dia leabet mitanand auf g'schpanntem Fuaß. S.

39) Dear hot m'r da Boda unter de Füaß wegzoga. S.

40) Dear hat koin Boda unter de Füaß. U.

41) Dear keit'm da Hu'd vor d' Füaß. U.

42) Dear macht se auf d' Socka. U.

43) Auf oim Fuaß geht ma net fort. S. (Vom Wirtshaus.)

44) Dear schtellt se auf d' Hinterfüaß. S.

45) Dear schtreckt älle viara vo'. U.

46) Dear schtoht auf guatem Fuaß mit deam. S.

47) Dear schtoht auf g'schpanntem Fuaß mit deam. S.

48) Dear hat Elephantafüaß. U.

49) Macht dear Kratzfüaß! U.

50) I möcht no wissa, auf was dear fuaßnet? U.

51) Dear hot schei't's d' Klauaseuch. S. (Zipperlein.)

52) Des ischt grad reacht, wia d'r Gret ihr Fuaß, und dear ischt a halba Ella z'kurz g'wea'. B.

53) Dear ka' fuaßla wia a Bot. U.

54) Hat dear krumme Haxa! U.

55) Trapp mr net auf meine Füaß, do wirscht net reich. B.

56) Bei deara Musik kommt's oim in d' Füaß. U.

57) Dau ischt he' net gnuag, dau muaß noh a Fuaß raus. U.

58) Dear schpringt se noh d' Füaß weg. U.

59) Was ma net im Kopf hiat, das muaß ma in de Füaß hau'. U.

Quelle[Quälltäxt bearbeite]