Spruch:Wilhelm Unseld/Schwäbische Sprichwörter/Die Augen

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Wilhelm Unseld: Schwäbische Sprichwörter und Redensarten

gesammelt in Stuttgart = S, Tübingen = T, Ulm = U und Blaubeuren = B


Die Augen

1) Dear ka' de Leut d' Auga verblenda. U.

2) Do muaß m'r eba a-n-Aug zuadrucka. S.

3) Des passt, wia a Fauscht auf a-n-Aug. U.

4) Dear hat desmaul 's Kälble in's Aug g'schlaga. U. (Beleidigt).

5) Dear hat a-n-Aug auf dui. U.

6) Dui hat Auga wia a Hex. U.

7) Der hot desmol au' d' Auga net aufg'macht. T.

8) Dau hoißt's, d' Auga- n- auf, oder da Beut'l. U.

9) Dear hot a paar helle Auga- n- im Kopf. U.

10) Deam gucket d'r Schelm zua de Auga raus. U.

11) Dear tuat Oim, was 'r Oim an de Auga a'sieht. U.

12) Dear hot seine Auga hinta und vorna. S.

13) Dau isch so finschter, daß ma enander in d' Auga langa ka'. U.

14) Dear hängt d'Auga raus, wia a klopfter Has. U.

15) Dear guckt se schiar d'Auga raus. U.

16) Mach no koine so Rollauga na'. U. (Wilder Blick.)

17) Auf deara Supp ka' ma d' Auga zähla. U.

18) I hau' Du'scht, daß e nemme zua de Auga rausgucka ka'. U.

19) Des ischt a schielabocket'r Ding! U.

20) 's hackt koi' Kräh d'r Andera d' Auga- n- aus. U.

21) 's gäb ällaweil Oiner a-n-Aug, wenn d'r And'r gar nex maih säht. U.

22) Dear ischt deam scho' lang a Doara-n-im Aug. U.

23) Jetzt ganget deam z'mol d' Auga- n- auf. S.

24) Dear schtreut de Leut Sa'd in d' Auga. U.

25) Dear ischt desmol mit ema blaua Aug d'rvo'komma. S.

26) Dui hat Auga wia Pfluagrädla. U. (Große.)

27) Dear hat a paar Klotzauga. U.

28) Dear reißt d' Auga -n- auf, wia so a Holzkatz. U.

29) Dear macht Auga na', wia so a g'schtochener Bock. U.

30) So, jetzt gucket ma wieder anderscht zua de Auga raus. U. (Nach dem Essen.)

31) Des schticht deam in d' Auga. U.

32) Dear macht schtörrige Auga na'. U.

33) Dear schlauft mit offene Auga, wia d' Kielhasa. U.

34) Des ischt a reacht'r Augaverdreher, ü. (Frömmler.)

35) Des ischt deam sei' Augapfel. U. (Liebling.)

36) Dau hoißt's au': Aus den Augen, aus dem Sinn! U.

37) Dear b'scheißt dea', daß'm d' Auga überlaufet. U. (Betrügt)

38) Deam gucket d'r Hunger zua de Auga raus. U.

39) Was d' Auga seahat, glaubt's Herz. U.

40) Des ischt a schleacht's Luad'r, dear ka' Oim net i d' Auga gucka. U.

41) Dear hat Auga, wia a Schperber. U.

42) Dear hot Auga, wia a Falk. S.

43) Dear hat reachte Säuäugla. U.

44) Dear hot noh da Schlof in de Auga. S.

45) Des ischt a Halbolfagucker. B. (Schielender.)

46) Dear scharmei'gelet. U. (Leicht schielen.)

47) Dui wird bald mit vier Auga aus'm Bett rausgucka. B.

48) Dear luigt oin a', daß oim d' Auga überlaufet. U.

49) Deam gucket d' Lumperei zua de Auga raus. U.

50) Sauf Wasser! Des geit helle Auga und blaue Darm. S.

51) Dear hat a paar Rollauga. U.

52) Dear hat a paar falsche Auga im Kopf. U.

53) Dear wird grauße Auga na' macha. U.

54) Macht dear a paar Auga! U.

55) Reißt dear seine Klotzer auf. U.

56) Wenn i amaul d' Auga zua mach, nau wirscht airscht gucka! U.

57) Des ischt unter vier Auga g'scheah'. U.

58) I hau' dea' mit koim Aug g'seah'. U.

59) Des schtoht auf zwoi Auga. B.

60) Komm m'r no nemme unter d' Auga! U.

61) I hau' dea' heut noh vor Auga. U.

62) Dan wird's oim ganz grea' und gelb vor de Auga. U.

63) Kerle, gang m'r aus de Auga! U.

64) Des will i mir im Aug b'halta. S.

65) Deara hot dear in d' Auga g'schtocha. U.

66) Des fällt oim glei' in's Aug. S.

67) Deam sieht ma d' Lumperei an de Auga-n-a'. U.

68) Schteahla därf ma, aber no mit de Auga. U.

69) Dia krazet enander noh d' Auga- n -aus. U.

70) I hau' meine Auga net trauet. U.

71) Dear läßt dui nemme aus'm Aug. U.

72) I sieh des Ding jetzt mit ganz andere Auga-n-a. S.

73) In meine Auga hot des nex z'saget S.

74) Dear ka' fei' wohl d' Auga rumlaufa lau'. U.

75) Dear hot koi' Aug von 'r g'lau. U.

76) Dear sieht in neu' Häfa z'maul, und noh d' Schtiag na. U. (Schielt)

77) Dear glaunet net schleacht. U. (Schielt)

78) Dear glotzet oin a', wia a Kuah a nui's Schuiratoar. U.

79) Dear hat da Glotzer. U.

80) Dear gucket ein g'schecket a'. U.

81) Was dear verschenkt, ischt guat für d' Auga. T.

82) Dear sieht desmol mit d'r dopplata Brill. U.

Quelle[Quälltäxt bearbeite]