Sprichwerter üs um Wallis

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Zrigg zum alemannische Wikiquote

Sprichwerter üs um Wallis

  • Heiraatu, Vogil, dä värgeit där ds Pfiffu.
  • We mu nit will, so taget s nit.
  • Herts Broot isch nit herts, keis Broot isch herts.
  • Inu Gummi chascht kei Nagil ischlaa.
  • Dergliichu gitaa isch nit kalbruts.
  • Am eerschtu Tag tüöt mu nit cheesu.
  • Nach dum Hüüser chunnt der Püüser.
  • Ei Dienscht ischt der anner wärt.
  • Ohni Schtooss chunnt keinä gross.
  • Rier sus nit z wit äfort, suscht müöscht sus de väliicht baald ga reichu.
  • Gäb mu Gott Glick uf d Schtrass und ä gfiirigä Brand im Aarsch.
  • Wit vam Gschizz git aalti Chrieger
  • Der Hetti und der Weltti sind Brieder gsi - und beedi sind geschtorbe.
  • Verwurku ischt es malums Vogilti.
  • Da ischt där Tiifil nur no ä Narr.
  • Riem der Göich, de tüöt är öich ! _
  • Öi gschiidi Liit chännunt d Schüö värdreju.
  • Ds Fädärli ziärt ds Vogilti.
  • Nitjedä, waa hoornot, ischt än Eschil.
  • Die grossu Heeru frässunt änand nit.
  • Wä mu will Vogla faa, miässä mu nit in Schtüüdä schla.
  • In ne aalte Pfannu macht mu güeti Suppa.
  • Es Zuchtji und es Siili trichunt gääru us um gliichu Putilli.
  • Der, waa du Sack üüfhet und der, waa dritüöt, ischt där gliich Schelum.
  • Güöt gwezzt, ischt halb gmeet; güöt ggladu halb gfaaru.
  • Dum Göichuvolch müöss mu niä halb gmachti Aarbeit zeichu.
  • Der het du Wii öü nit in d Schüö ggleescht
  • Mu müöss hewwu we s hibsch ischt.
  • Jede Mänsch het schiis Chriz; hed er keis, so macht er eis.
  • Sälber ässu macht feist.
  • Di tummschtu Püüru heint die greeschtu Häärpfla.
  • Der Gääjunde biziet der Löüffunde.
  • Ortsbruuch ist uber Landrecht.
  • Meinu und nit wissu hat scho menge Biderma bschissu.
  • Wer um as guots Wort nit tuot, dem geit es seltu guot.
  • Wary der Wolf ghuutot, dary ghaarot er.
  • Was der Bock va schich weiss, das meint er van der Geis.
  • An einzige ungrechte Chryzer frisst hundert darzuo.
  • D's Gfressna, D's Vergessna.
  • Riehm der Gäüch, so tuot er auch.
  • Stier, gib na! i gibu nit na.
  • Besser ist z'vil gfressu, als z'vil gredt.

Quälle[Quälltäxt bearbeite]