Sonja Faber-Schrecklein

d Sonja Faber-Schrecklein 2012 in Schwäbisch Gmünd

D Sonja Faber-Schrecklein (* 10. Novämber 1965 z Nuihouse as Sonja Zumpfe) isch e dytschi Schurnalischti un Moderatoori.

Uusbidlig un Beruef

D Sonja Zumpfe uf dr Fildra uf d Wält chuu un z Esslenga ufgwagse, wu si au uf d Schuel gangen isch. Noch em Abituur het si iri schurnalistisch Karriere bi dr Esselnger Zeitong aagfange. Noch eme Volontariaat het si deert as Redakteeri fir verschiideni Redakzioone gschriibe. Bal isch si zue me privaate Raadiosänder gwägslet un het deert as Rundfunkredakteeri gschafft. Anne 1991 het si aafange schaffe fir s SWR Fäärnsee. D Sonja Schrecklein het derno fir d Noochriichtesändig Abendschau (syt 1994 di hitig Landesschau Baden-Württemberg) im Dritte gschafft. Mer het si im Land chännegleert, wel si als mit em Landesschau-Mobil umegfaaren isch.

In dr Sändig Treffpunkt briichtet d Schrecklein u. a. as Strooßerepoorteri bi Hufe Live-Iberdraagige wie zem Byschpel bi Faasnetsumziig. In ire Laufbaan bim SWR het si si u. a. d Musiksändig Mundart & Musik zäme mit em Uwe Hübner un dr Fröhlicher Feierabend, zeerscht mit em Tony Marshall, speeter mit em Hansy Vogt moderiert. Au s Sunderformaat Das Sommerfest der Volksmusik het si moderiert.

Privaatlääbe

Si isch vum Juni 1991 bis 2008 mit em Thomas Schrecklein ghyroote gsii. No dr Drännig het si im April 2011 dr Klaus-Jochen Faber ghyroote.

Nääbe iren Aarbet bim SWR SWR isch d Schrecklein Stiftigsvoorstand vu dr Stiftig Deutsche Kinderkrebsnachsorge – Stiftung für das chronisch kranke Kind. Die Stiftig isch Mitgsellschafteri vu dr Noosoorgklini Danne im Schwaarzwald un engaschiert si fir Familie mit chroonisch chranke Chinder.

Eerig

• Am 5. Mai 2001 isch d Schrecklein im Schloss z Ludwigsburg mit dr Verdienschtmedallie vum Land Baade-Wiirtebäärg uuszaichnet woore.
• Am 22. Juni 2015 het si im Neie Schloss z Stuegert s Bundesverdeinschtchryz am Band iiberchuu.

Weblink

 Commons: Sonja Faber-Schrecklein – Sammlig vo Multimediadateie

• Literatur vu un iber Sonja Faber-Schrecklein im Katalog vu dr Dütsche Nazionalbibliothek

Fueßnote

Dä Artikel basiert uff ere fräie Übersetzig vu dere Version vum Artikel „Sonja_Faber-Schrecklein“ vu de dütsche Wikipedia. E Liste vu de Autore un Versione isch do z finde.