Sokollu-Mehmet-Pascha-Moschee
| Sokollu-Mehmet-Pascha-Moschee | |
|---|---|
| |
| Koordinate: 41° 0′ 17″ N, 28° 58′ 19″ O | |
| Ort | Istanbul |
| Richdig/Gruppierig | Islam |
| Architektonischi Informazioone | |
| Archidekt | Mimar Sinan |
| S Leege vom Grundstäi | 1571 |
| Eröffnig | 1572 |
| Detäi | |
| Kupple | 1 |
| Minarett | 1 |
D Sokollu-Mehmet-Pascha-Moschee (Kadırga Sokollu/Sokullu Mehmet Paşa Külliyesi) isch e Moschee im Kadırga-Quartiär, wo zum Stadtdail Fatih vo Istanbul ghöört. Si isch e Wärk vom begnaadete osmanische Archidekt Sinan.
D Moschee isch vo öbbe 1567/68 bis 1571/72 entstande. Si het säggs Pfiiler und vier diagonaali Halbkupple. Si isch äins vo de schönste Bischbil von ere glungene Kombinazioon vo dr Baustruktur mit dr Dekorazioon mit Blättli und Moolereie. D Blättli und d Stäiglaasfänster ghööre zu de schönste us dr osmanische Zit. Öbbis Bsundrigs in dere Moschee si zwäi Splitter vom schwarze Meteorit in dr Kaaba z Mekka.
Dr Sinan het dr Hüügel, wo dr Komplex druf stoot, in si Baublaan iibezooge, und het bim Iigang e Stääge baut, wo dr Höörsaal sich drüüber befindet. D Löösige, won er gfunde het, si komplex und schaffe e groossi rüümligi Homogenidäät, wo dr rächteggigi Grundriss drbii erhalte blibt und d Vertikalidäät bedoont wird, was in dr islamische Archidektuur nöi isch.
