Skanda

Us der alemannische Wikipedia, der freie Dialäkt-Enzyklopedy
Hops zue: Navigation, Suech
de Skanda ufem Pfau

De Skanda (Sanskrit: स्कंद Skanda m.) isch de Chriegsgott im Hinduismus. Er isch de Soo vom Shiva. Bi de Tamile isch er mitem alte tamilische Gott Murugan verschmolze.

Giburt und Ikonografii[ändere | Quälltäxt bearbeite]

De Skanda het e ussergwönlichi Giburt. Nämli isch de Soome vom Shiva is Füür tropfet. De Füürgott Agni het denn de in Ganges ine gworfe. D Flussgöttin Ganga het de im Himalaya as Land gschwemmt und drus use isch de Skanda entstande. Di sechs Krittikas (Plejade) hend en as Zögling agnoo, werum er sechs Chöpf und sechs Müüler het und au Karttikeya gnennt werd. Er hett au zwölf Ärm. Sini Waffe sind de Speer und de Pfiilboge und de Güggel isch sis Faanezaiche. Siis Riittier (vahana) isch aber de Pfau, woner vom Garuda öbercho het.

Büecher[ändere | Quälltäxt bearbeite]

  • Hans Wilhelm Haussig (Hg.): Götter und Mythen des Indischen Subkontinents. Stuttgart: Klett-Cotta (1984). ISBN 3-12-909850-X